Daryn FIRST Qualifier 2026 robottar festivali óz máresine jetti. Is-sharaǵa Almaty qalasy, Almaty jáne Jetisý oblystarynan, sondai-aq mamandandyrylǵan bilim berý uiymdarynan 200-ge jýyq komanda men 1500-den astam oqýshy qatysty, dep habarlaidy Dalanews.kz.
Eki kún boiy 4-18 jas aralyǵyndaǵy qatysýshylar injeneriia, baǵdarlamalaý jáne robototehnika baǵyttary boiynsha óz bilimderi men praktikalyq daǵdylaryn kórsetti.
Festival FIRST halyqaralyq baǵdarlamasynyń tórt sanaty boiynsha uiymdastyryldy: FIRST LEGO League Discover, FIRST LEGO League Explore, FIRST LEGO League Challenge jáne FIRST Tech Challenge.
2025-2026 oqý maýsymynyń taqyryby — arheologiia. Maýsym aiasynda qatysýshylar adamzat tarihyn zerdeleý, mádeni murany saqtaý jáne ótkenniń qupiialaryn zamanaýi tehnologiialar arqyly zertteýge baǵyttalǵan jobalar ázirledi. Komandalar arheologiialyq zertteýlerge qatysty ózekti máselelerdi taldap, robottar kómegimen injenerlik tapsyrmalardy oryndady, sondai-aq tarihi derekterdi tsifrlandyrý men saqtaý boiynsha innovatsiialyq sheshimder usyndy.
Festival qorytyndysy boiynsha 29 úzdik komanda halyqaralyq deńgeidegi kelesi kezeńderge — Kazakhstan Central Asia FIRST Championship 2026 jarysyna joldama aldy. Atalǵan chempionat 2026 jylǵy aqpan aiynda Astana qalasynda ótedi.
