Almaty oblysy Talǵar aýdanyndaǵy aýyldardyń birinde 24 jastaǵy jigit qaza tapty. Ol túnde inisimen birge ákesiniń qabirine baryp, Quran oqýǵa shyqqan, dep habarlaidy dalanews.kz.
Oqiǵa týraly málimetterge súiensek, jolda olardyń kóliginiń aldyn ishinde úsh jigit otyrǵan avtokólik bógegen. Marqum men onyń inisi joldy bosatýdy suraǵanymen, qarsy tarap olarǵa kólikti ainalyp ótýdi usynǵan.
Kóp uzamai eki jaq arasynda janjal týyndaǵan. 24 jastaǵy jigit kólikten shyqqan sátte, kýágerlerdiń aitýynsha, qarsy jaqtaǵy er adamdardyń biri qolyna pyshaq ustap, oǵan shabýyl jasaǵan.
Aýyr jaralanǵan jigit shuǵyl túrde aýrýhanaǵa jetkizilgenimen, dárigerler onyń ómirin saqtap qala almady.
Politsiia oqiǵadan keiin kúdiktilerdiń úsheýi de jedel ustalǵanyn habarlady. Olardyń barlyǵy marqum turǵan Nura aýylynyń turǵyndary bolyp shyqqan.
Qazir atalǵan fakti boiynsha «Adam óltirý» jáne «Buzaqylyq» baptary boiynsha qylmystyq ister tergelip jatyr. Kúdiktiler ýaqytsha ustaý izoliatoryna qamalǵan.
