– Biyl – biz úshin qasterli jyl. Táýelsizdigimizge 30 jyl tolyp otyr. Bul ótkenimizdi oi eleginen ótkizip, aldaǵy baǵyt-baǵdarymyzdy anyqtaityn mańyzdy meje. Endi sanaýly kúnderden keiin Tuńǵysh Prezident kúnin de atap ótemiz. Bul kún eldik pen erkindiktiń nyshanyna ainalǵan aitýly meiram. Biz búgin osyndai ulyq merekeler qarsańynda naǵyz tarihi sáttiń aldynda jinalyp otyrmyz, – dedi Máýlen Áshimbaev.
Senat Tóraǵasy atap ótkendei, egemendiktiń 30 jyldyǵy jeńis pen jetistikke toly mereili beles boldy.
– Osy ýaqytta Qazaqstan táýelsiz el retinde tolyq qalyptasty. Elbasy Nursultan Nazarbaevtyń strategiialyq saiasaty arqasynda barlyq ózekti másele oń sheshimin tapty. Shekaramyz shegendeldi, ekonomikamyz júielendi. Syrtqy saiasatymyz syndarly jolǵa tústi. 30 jyldyń ishinde áleýsettik baǵytta kóptegen baǵdarlama nátijeli iske asty, – dedi Máýlen Áshimbaev.
Senat Tóraǵasy halyqty baspanamen qamtý boiynsha da aýqymdy jumys atqarylǵanyn aitty.
– Milliondaǵan sharshy metr turǵyn úi salyndy. Osy baǵytta Nur-Sultan, Almaty, Shymkent qalalarynda tyń baǵdarlamalar qolǵa alynyp, birqatar jas baspanaly boldy. Tek sońǵy 3 jyldyń ishinde atalǵan úsh qalada jumys isteitin jastardy baspanamen qamtýǵa 21 mlrd teńge bólindi, – dedi Máýlen Áshimbaev.
