Pavlodarda kámeletke tolmaǵan voleibolshyǵa kúsh qoldanǵan jattyqtyrýshyǵa qatysty sotqa deiingi tergeý bastaldy, dep habarlaidy dalanews.kz.
«Voleibol komandasynyń kámeletke tolmaǵan qatysýshysyna jattyqtyrýshynyń fizikalyq kúsh qoldaný faktisi boiynsha sotqa deiingi tergeý bastaldy», – dep habarlady seisenbi kúni Pavlodar oblysynyń politsiia departamentinen.
Politsiia áleýmettik jelilerde taraǵan voleibol týrnirindegi oqiǵanyń videosyn nazardan tys qaldyrmaǵan. Jattyqtyrýshynyń áreketine Qazaqstan Respýblikasynyń zańnamasyna sáikes quqyqtyq baǵa beriledi.
Politsiia málimetinshe, oqiǵaǵa qatysýshylardyń barlyǵy anyqtalyp, politsiia bólimine jetkizilgen.
Buǵan deiin áleýmettik jelilerde «Baiantaý» sport kesheninde voleiboldan jasóspirimder arasyndaǵy Qazaqstan chempionaty kezinde Shymkent komandasynyń jattyqtyrýshysy sportshy qyzdardyń biriniń basynan qolymen urǵany týraly aqparat taraǵan.
