Batys Qazaqstan oblysynda jeke sot oryndaýshysy boryshkerdiń kepildegi kóligin zań talaptaryn buza otyryp satqany anyqtaldy. Sot kólikti óndirip alý, ony satýǵa berý jáne elektrondy aýktsion qorytyndylary týraly qaýlylardy zańsyz dep tanyp, kúshin joidy, dep habarlaidy dalanews.kz.
BQO málimetinshe, talap qoiýshy jeke sot oryndaýshysynyń múlikti ótkizý kezindegi áreketterine shaǵymdanǵan. Onyń aitýynsha, bankte kepilde turǵan avtokólik kepildegi múlikke óndirip alýdy qoldaný týraly zańda kózdelgen sot aktisinsiz satylǵan. Bul rette boryshkerlerdiń kepilmen aýyrtpalyq salynbaǵan basqa da múlki bolǵan.
Sottyń anyqtaýynsha, avtokólik elektrondy aýktsionda 6 mln 680 myń 850 teńgege satylǵan. Al onyń naryqtyq quny 12 mln 147 myń teńgeni quraǵan.
Sot jeke sot oryndaýshysy kepildegi múlikke óndirip alýdy qoldanýdyń zańda belgilengen tártibin saqtamaǵan degen qorytyndyǵa keldi.
Osyǵan bailanysty sot 2025 jylǵy 1 qazandaǵy kólikke óndirip alýdy qoldaný týraly qaýlyny, 2025 jylǵy 15 jeltoqsandaǵy ony satýǵa berý týraly qaýlyny jáne 2026 jylǵy 15 qańtardaǵy elektrondy aýktsion qorytyndylary týraly hattamany zańsyz dep tanyp, kúshin joidy.
