Jyl basynan beri kólik politsiiasy Astana men Almaty áýejailarynda esirtki kontrabandasynyń 27 deregin anyqtady. Zańsyz ainalymnan 98 keli esirtki tárkilenip, onyń qara naryqtaǵy quny 2,5 mlrd teńgege baǵalandy, dep habarlaidy dalanews.kz.
Bul týraly kólik politsiiasynyń departamentiniń esirtki qylmystaryna qarsy is-qimyl basqarmasynyń bastyǵy Farabi Elýbaev málimdedi.
Tárkilengen esirtki mólsheri shamamen 180 myń bir rettik dozaǵa teń.
Jedel-izdestirý sharalary barysynda politsiia qyzmetkerleri 20 jastaǵy shetel azamatyn ustaǵan. Onyń qolynan 17 keli esirtki tárkilendi. Tergeý málimetinshe, kúdikti esirtki partiiasyn Tailandtan Qazaqstanǵa jetkizip, keiin zańsyz arnalar arqyly satýdy josparlaǵan.
Sot ony kináli dep tanyp, 16 jylǵa bas bostandyǵynan aiyrdy. Kólik politsiiasy halyqaralyq esirtki tasymaly arnalarynyń jolyn kesý jumystaryn jalǵastyryp jatyr.
Farabi Elýbaev azamattardy saq bolýǵa shaqyryp, ishindegi zattyń ne ekenin bilmeitin jaǵdaida bógde adamdardyń sálemdemelerin, paketterin jáne basqa da zattaryn saqtaýǵa nemese tasymaldaýǵa almaýǵa keńes berdi.
«Sengishtik pen salǵyrttyq adamdy qylmysqa sybailas etip, aýyr zardaptarǵa ákelýi múmkin», – dedi ol.
