جىل باسىنان بەرٸ كٶلٸك پوليتسيياسى استانا مەن الماتى ەۋەجايلارىندا ەسٸرتكٸ كونترابانداسىنىڭ 27 دەرەگٸن انىقتادى. زاڭسىز اينالىمنان 98 كەلٸ ەسٸرتكٸ تەركٸلەنٸپ, ونىڭ قارا نارىقتاعى قۇنى 2,5 ملرد تەڭگەگە باعالاندى, دەپ حابارلايدى dalanews.kz.
بۇل تۋرالى كٶلٸك پوليتسيياسىنىڭ دەپارتامەنتٸنٸڭ ەسٸرتكٸ قىلمىستارىنا قارسى ٸس-قيمىل باسقارماسىنىڭ باستىعى فارابي ەلۋباەۆ مەلٸمدەدٸ.
تەركٸلەنگەن ەسٸرتكٸ مٶلشەرٸ شامامەن 180 مىڭ بٸر رەتتٸك دوزاعا تەڭ.
جەدەل-ٸزدەستٸرۋ شارالارى بارىسىندا پوليتسييا قىزمەتكەرلەرٸ 20 جاستاعى شەتەل ازاماتىن ۇستاعان. ونىڭ قولىنان 17 كەلٸ ەسٸرتكٸ تەركٸلەندٸ. تەرگەۋ مەلٸمەتٸنشە, كٷدٸكتٸ ەسٸرتكٸ پارتيياسىن تايلاندتان قازاقستانعا جەتكٸزٸپ, كەيٸن زاڭسىز ارنالار ارقىلى ساتۋدى جوسپارلاعان.
سوت ونى كٸنەلٸ دەپ تانىپ, 16 جىلعا باس بوستاندىعىنان ايىردى. كٶلٸك پوليتسيياسى حالىقارالىق ەسٸرتكٸ تاسىمالى ارنالارىنىڭ جولىن كەسۋ جۇمىستارىن جالعاستىرىپ جاتىر.
فارابي ەلۋباەۆ ازاماتتاردى ساق بولۋعا شاقىرىپ, ٸشٸندەگٸ زاتتىڭ نە ەكەنٸن بٸلمەيتٸن جاعدايدا بٶگدە ادامداردىڭ سەلەمدەمەلەرٸن, پاكەتتەرٸن جەنە باسقا دا زاتتارىن ساقتاۋعا نەمەسە تاسىمالداۋعا الماۋعا كەڭەس بەردٸ.
«سەنگٸشتٸك پەن سالعىرتتىق ادامدى قىلمىسقا سىبايلاس ەتٸپ, اۋىر زارداپتارعا ەكەلۋٸ مٷمكٸن», – دەدٸ ول.
