قوستانايدا اۋرۋحانا پاتسيەنتتەرٸن تاماقتاندىرۋ قىزمەتٸنە قاتىستى مەملەكەتتٸك ساتىپ الۋ كونكۋرسىنىڭ نەتيجەلەرٸ كاسساتسييالىق سوت شەشٸمٸمەن جويىلدى. بۇعان جەڭٸمپاز كومپانييانىڭ بٸلٸكتٸلٸك تالاپتارىنا سەيكەستٸگٸنە قاتىستى داۋ سەبەپ بولعان, دەپ حابارلايدى dalanews.kz.
داۋ قوستاناي وبلىسى ەكٸمدٸگٸنٸڭ مەملەكەتتٸك ساتىپ الۋ باسقارماسى مەن «L.» جشس اراسىندا تۋىنداعان.
مەملەكەتتٸك ساتىپ الۋدىڭ تاپسىرىس بەرۋشٸسٸ قوستاناي قالالىق اۋرۋحاناسى بولعان. باستاپقىدا كونكۋرس جەڭٸمپازى رەتٸندە «س.» ٶندٸرٸستٸك كووپەراتيۆٸ تانىلعان. الايدا قاتىسۋشىلاردىڭ شاعىمدارىنان كەيٸن ونىڭ ٶتٸنٸمٸ قابىلدانباعان. 2025 جىلعى 28 قاراشادا جەڭٸمپاز بولىپ «S.» جشس تانىلىپ, «L.» جشس ەكٸنشٸ ورىن العان.
«L.» جشس جەڭٸمپاز كومپانييا كونكۋرس قۇجاتتاماسىندا تالاپ ەتٸلگەن ديەتالىق مەيٸرگەردٸڭ بار ەكەنٸن راستايتىن قۇجاتتاردى ۇسىنباعان دەپ ەسەپتەپ, سوتقا جٷگٸنگەن.
بٸرٸنشٸ ساتىداعى سوت تالاپ ارىزدى قاناعاتتاندىرىپ, كونكۋرس قورىتىندىلارى تۋرالى حاتتامانى زاڭسىز, ال مەملەكەتتٸك ساتىپ الۋ شارتىن جارامسىز دەپ تانىعان. الايدا اپەللياتسييالىق سوت بۇل شەشٸمنٸڭ كٷشٸن جويىپ, تالاپ ارىزدى قاناعاتتاندىرۋدان باس تارتقان.
كاسساتسييالىق سوت اپەللياتسييالىق ينستانتسييانىڭ تۇجىرىمدارىمەن كەلٸسپەدٸ. سوتتىڭ مەلٸمەتٸنشە, «S.» جشس ۇسىنعان كۋەلٸك كونكۋرس قۇجاتتاماسىندا بەلگٸلەنگەن بٸلٸكتٸلٸك تالاپتارىنا سەيكەستٸكتٸ راستاۋعا جەتكٸلٸكسٸز بولعان. سوندىقتان كومپانييانىڭ ٶتٸنٸمٸ قابىلدانباۋعا تيٸس ەدٸ.
سوت اپەللياتسييالىق ينستانتسييانىڭ ديەتولوگييا سالاسىنداعى مەيٸرگەرلٸك ٸس ماماندىعىنىڭ سەرتيفيكاتتاۋعا جاتاتىن ماماندىقتار تٸزٸمٸندە بولماۋىنا قاتىستى ۋەجٸن دە نەگٸزسٸز دەپ تانىدى. سەبەبٸ بۇل جاعدايدا مەسەلە مامان سەرتيفيكاتىنىڭ بولۋىندا ەمەس, كونكۋرس قۇجاتتاماسىندا كٶرسەتٸلگەن بٸلٸكتٸلٸك تالاپتارىنىڭ ورىندالۋىندا بولعان.
وسىلايشا, كاسساتسييالىق سوت اپەللياتسييالىق سوت قاۋلىسىنىڭ كٷشٸن جويىپ, بٸرٸنشٸ ساتىداعى سوت شەشٸمٸن كٷشٸندە قالدىردى. «L.» جشس-نٸڭ كاسساتسييالىق شاعىمى قاناعاتتاندىرىلدى.
