– بيىل – بٸز ٷشٸن قاستەرلٸ جىل. تەۋەلسٸزدٸگٸمٸزگە 30 جىل تولىپ وتىر. بۇل ٶتكەنٸمٸزدٸ وي ەلەگٸنەن ٶتكٸزٸپ, الداعى باعىت-باعدارىمىزدى انىقتايتىن ماڭىزدى مەجە. ەندٸ ساناۋلى كٷندەردەن كەيٸن تۇڭعىش پرەزيدەنت كٷنٸن دە اتاپ ٶتەمٸز. بۇل كٷن ەلدٸك پەن ەركٸندٸكتٸڭ نىشانىنا اينالعان ايتۋلى مەيرام. بٸز بٷگٸن وسىنداي ۇلىق مەرەكەلەر قارساڭىندا ناعىز تاريحي سەتتٸڭ الدىندا جينالىپ وتىرمىز, – دەدٸ مەۋلەن ەشٸمباەۆ.
سەنات تٶراعاسى اتاپ ٶتكەندەي, ەگەمەندٸكتٸڭ 30 جىلدىعى جەڭٸس پەن جەتٸستٸككە تولى مەرەيلٸ بەلەس بولدى.
– وسى ۋاقىتتا قازاقستان تەۋەلسٸز ەل رەتٸندە تولىق قالىپتاستى. ەلباسى نۇرسۇلتان نازارباەۆتىڭ ستراتەگييالىق ساياساتى ارقاسىندا بارلىق ٶزەكتٸ مەسەلە وڭ شەشٸمٸن تاپتى. شەكارامىز شەگەندەلدٸ, ەكونوميكامىز جٷيەلەندٸ. سىرتقى ساياساتىمىز سىندارلى جولعا تٷستٸ. 30 جىلدىڭ ٸشٸندە ەلەۋسەتتٸك باعىتتا كٶپتەگەن باعدارلاما نەتيجەلٸ ٸسكە استى, – دەدٸ مەۋلەن ەشٸمباەۆ.
سەنات تٶراعاسى حالىقتى باسپانامەن قامتۋ بويىنشا دا اۋقىمدى جۇمىس اتقارىلعانىن ايتتى.
– ميلليونداعان شارشى مەتر تۇرعىن ٷي سالىندى. وسى باعىتتا نۇر-سۇلتان, الماتى, شىمكەنت قالالارىندا تىڭ باعدارلامالار قولعا الىنىپ, بٸرقاتار جاس باسپانالى بولدى. تەك سوڭعى 3 جىلدىڭ ٸشٸندە اتالعان ٷش قالادا جۇمىس ٸستەيتٸن جاستاردى باسپانامەن قامتۋعا 21 ملرد تەڭگە بٶلٸندٸ, – دەدٸ مەۋلەن ەشٸمباەۆ.
