Aiagóz aýdany ákimdiginiń din salasyndaǵy memlekettik saiasatty júzege asyrýdaǵy dini birlestiktermen ózara is-qimyl jónindegi jumystardy barynsha júrgizip keledi. Aýdanda qoǵamdyq-saiasi turaqtylyqtyń saqtalýy úshin dini birlestiktermen qarym-qatynasty nyǵaitý maqsatynda Aiagóz aýdanynyń ákimi janyndaǵy dini birlestiktermen bailanys jónindegi Keńes 2002 jyldan bastap jumys isteidi. Keńes otyrysynda aýdannyń ózekti dini máseleleri qarastyrylady.
Aiagózdegi din máseleleri jónindegi aqparattyq-nasihat toptary naqtyly jumystar júrgizýde. Top quramynda arnaiy mamandar, qoǵamnyń kóshbasshylary, belsendi jastar, barlyǵy – 76 adam enip otyr. Jyl basynan aqparattyq-nasihat tobynyń músheleri 10151 adam qamtyǵan 121 kezdesý ótkizgen.
Turǵyndarǵa dástúrli islamdy túsindirý maqsatynda aýdanǵa respýblika, oblys kóleminde belgili dintanýshylar Shyǵys Qazaqstan oblysy, Óskemen óńiriniń burynǵy ókil imamy Nurlan Asanov, Semei qalasy ortalyq meshitiniń naib-imamy Baýyrjan Baltabekov, respýblikalyq aqparattyq-nasihat top múshesi, teolog Arman Qýanyshbaev pen Nurbol Taǵaev jáne Semei qalasy ortalyq meshitiniń naib-imamy Bekzat Baeshov shaqyryldy.
Media-josparǵa sáikes dini-ekstremizm men terrorizmge qarsy is-qimyl jónindegi 2013-2017 jyldarǵa arnalǵan memlekettik baǵdarlamanyń iske asyrylýy týraly jergilikti buqaralyq aqparat quraldarynda 37 maqala jariialandy. Aýdan boiynsha ekstremizmge qarsy sipattaǵy 29 banner ornalastyrdyq. Sonymen qatar, 3200 dana taratpa materialdar shyǵarylyp, aqparattyq-nasihat tobynyń jumysynda taratyldy.
Jastardyń áleýmettik jelilerge qyzyǵýshylyǵyn eskere otyryp Facebook, VKontakte áleýmettik jelilerinde dini ekstremizm kórinisterdiń aldyn alý úshin 104 material ornalastyryldy. Sonymen qatar qalanyń ortalyq alańynda ornalasqan LED ekran arqyly kúnine 8 dini beinerolikter kórsetilip, 30 aqparatttyq materialdar ornalastyrylǵan.
Aýdannyń 22 meshitinde mýftiiattyń buiryǵymen 18 imam qyzmet atqarýda. Qalǵan 4 meshitte dini saýattylyǵy bar aýyldyń úlkenderine bekitilgen.
Aǵymdaǵy jyly aýdanymyzdyń bas imamy Mysyr astanasy Kair qalasynda ornalasqan Ál-Ashar ýniversitetinde biliktiligin arttyrý kýrsynan ótti. Sondai-aq, aýyldyq okrýgterdiń 15 imamy bilimderin jetildirip, 3 imam (Mamyrsý, Qosaǵash, Emeltaý) Qazaqstan musylmandary dini basqarmasynyń imamdar bilimin jetildirý institýtyn bitirgenin aitýǵa tiispiz. 12 imam Semei jáne Aiagóz qalalyq meshitterinde bilimderin jetildirdi. 2015 jyl «Astana» medresesin támamdaǵan mamandardyń úlesimen aýyldyq okrýgterdegi bos oryndar tolyqty.
Kadr máselesin sheshý maqsatynda «Nur-Múbárak» Mysyr islam mádenieti ýniversitetiniń stýdentterimen kezdesý jumystary júrgizildi. Bolashaqta din salasynda qyzmet atqarý úshin biylǵy jyly aýdanymyzdan 7 jas oqýǵa tústi. Olardyń ekeýi «Nur-Múbárak» Mysyr islam mádenieti ýniversitetine jáne beseýi medreselerge qabyldandy.
Aýdan turǵyndaryna túsindirý jumystarynyń tiimdiligin arttyrý maqsatynda aýdan meshitterine 2 teledidar jáne beinebaqylaý qurylǵysy, sonymen qatar, onlain rejiminde aqparattyq-nasihat jumystaryn júrgizýge 2 proektor berildi. Qazaqstan musylmandary dini basqarmasynyń filialymen birlese otyryp dini ahýaldy jaqsartý maqsatynda jańa jumys ádisteri qoldanylýda. Ortalyq meshit janynan naib-imamnyń bastaýymen belsendi jastardan arnaiy top qurylǵan. Bul toptyń aýdan ákimdiginiń jastar ortalyǵymen birlesken jumys jospary daiyndaldy. Meshit jáne ortalyq jastarymen kóptegen is-sharalar ótkizýde. Qysqy ýaqytta jastar jalǵyzbasty qarttarǵa qar tazalaýǵa, úi jumystaryna kómektesse, kóktemde qalany abattandyrý jáne kógaldandyrý jumystaryna belsene aralasty.
Memlekettik meiramdar da nazardan tys qalǵan emes. Uly Jeńistiń 70 jyldyǵyna orai, soǵys jáne tyl ardagerlerine is-sharalar jáne qaiyrymdylyq aktsiialary uiymdastyrylyp, qurmet kórsetildi. Oraza ait meiramy qarsańynda 1000-1500 adam qamtyǵan «Tegin taksi», «Tegin avtobýs» aktsiialary ótkizilip, 70-ke jýyq jaǵdaiy tómen otbasylaryna materialdyq kómek kórsetildi.
Jastar toby jastardyń arasyndaǵy dinge senýshilerdi jáne jańadan kelgenderdi jat aǵymdardyń kózqarastaryn jaqtaýshylardyń qarmaǵyna ilindirmeýdi jáne jastardyń daýryqpa sózben emes, ispen ainalysatynyn
kórsetip, dástúrli emes dini kózqarasty áshkereleýge úndeidi.
Qazaq handyǵynyń 550 jyldyǵy, «Din men dástúr» jyly, Qurban meiramy aiasynda ippodromda «Alaman báige» jáne ulttyq sport túrlerinen saiystar ótti. Shyǵys Qazaqstan oblysy din isteri basqarmasynyń uiymdastyrýymen ótken «Máńgilik El – imandy el» shyǵarmalar saiysynda Aiagóz jastary júldeli 1-2 oryndarǵa ie boldy.
Dini ádebietti jáne dini mazmundaǵy ózge de aqparattyq materialdardy taratý máselesi rettelgen. Arnaiy turaqty úsh úi-jailardy ornalastyrý kelisilgen.
Jalpy Aiagóz aýdany ákimdiginiń din salasyndaǵy memlekettik saiasatty júzege asyrýdaǵy jumysy oń baǵalaýǵa bolady. Ákimdiktiń din salasyndaǵy memlekettik saiasatty júzege asyrýdaǵy dini birlestiktermen ózara is-qimylyn odan ári belsendi jalǵastyryp, is-tájiribesin oblystyń qalalary men aýdandarynda paidalanǵan jón.
Aiagóz aýdandyq Ishki saiasat bólimi
