Qazir elimizdegi ómir súrý deńgeii aýyl men qalada bir deńgeide emes. Sol sekildi bilim berý deńgeiine qatysty da solai dep aitýǵa bolady. Desekte jyl ótken saiyn aýyl men qala mektepteriniń bilim berý isindegi alshaqtyqtar joiylyp keledi. Bul baǵytta Oqý aǵartý ministrligi júieli túrde jumys jasaýda. Osy rette Dalanews.kz aqparattyq agenttigi tilshileri elimizdegi aýyl men qala mektepteriniń bilim berý isindegi alshaqtyqty joiý baǵytynda qandai jumystar júrip jatqanyna nazar aýdaryp kórdi.
Bilim berý salasyn zerttep júrgen mamandardyń sózinshe, keń baitaq jerimizdegi qala men aýyl mektepteri arasyndaǵy bilim berý sapasyndaǵy alshaqtyqtyń paida bolýynynyń birneshe sebebi men faktorlary bar ekenin alǵa tartady. Endi osy sebep pen faktorlarǵa taldaý jasap kórsek.
Qyzylodar qalasyndaǵy «Bolashaq» ýniversitetiniń zertteýshisi Azamat Jalǵasbaev aýyl men qala mektepteri arasyndaǵy aiyrmashylyqty negizinen bilim berý infraqurylymynyń damymaýyna, bilikti muǵalimder tapshylyǵy men túrli resýrstarǵa qoljetimdilikten baiqaýǵa bolatynyn alǵa tartady.
– Qala mektepteri ádette zamanaýi qural-jabdyqtarmen birinshi kezekte jabdyqtalady. Búginde qaladaǵy bilim ordalary sandyq tehnologiialar keńinen qoldansa, aýyl mektepterinde mundai resýrstarǵa tolyqtai qol jetkize almaýda. Mysaly, qala mektepteri laboratoriialyq jabdyqtardy, sapaly internet pen interaktivti taqtalardy emin-erkin paidalana alady. Bul óz kezeginde balalarǵa bilim berý sapasyna oń áser etetini sózsiz. Al aýyl mektepterinde bilikti muǵalimderdi tartýdyń ózinde biraz qiyndyqtar kezdesetini jasyryn emes. Óitkeni, ustazdardyń óizin ózi kásibi turǵydan damytýǵa, joǵary jalaqyǵa alýyna qatysty igilikterdiń bári qalada júrip qol jetkizetinin jaqsy túsinedi.
Osy rette bilim oshaqtarynda bilikti pedagogtardyń jetispeýshiligi bilim sapasyna tikelei áser etetinin de esten shyǵarmaýymyz kerek. Qala mektepterinde muǵalimderdiń biliktiligin arttyrýǵa arnalǵan resýrstar men múmkindikter kóp bolǵandyqtan, oqýshylardyń bilim sapasy da joǵary bolatyny sózsiz, – dedi Azamat Orazbekuly.
Aýyldyq jerlerde turatyn otbasylardyń áleýmettik-turmystyq jaǵdaiy da oqýshylardyń oqý úlgerimen tikelei áser etetini bilegili. Sebebi, aýyldaǵy balalardyń bilimin ushtaityn qosymsha sabaqtar uiymdastyrylymaidy. Al qalaly jerde turatyn oqýshylar úshin bul problema emes. Olar mektepten alǵan bilimin qosymsha sabaqtarǵa qatysyp, jeke qalaǵan repetitorlarynyń aldyna baryp bilimin ushtaityn múmkindike ie. Al aýyl oqýshylary úshin mundai múmkindikter qarastyrylmaǵan. Sol sebepti olar ózderine qajetti bilimdi mektep qabyrǵasynan alýǵa kúsh salady.
Sońǵy jyldary elimizde tsifrly tehnologiialardyń damýy bul máseleni belgili deńgeide sheshýge múmkindik bergeni anyq. Qazirgi tańda aýyl balalary internettiń kómegimen túrli oqý kýrstaryna satyp alyp, ózderiniń bilimin jetildirip jatyr. Ásirese, aýyl mektepterinde joǵary synyptyń oqýshylary Joǵary oqýǵa túsýge synaq tapsyrar kezde bilimin jetildiretin kýrstardy satyp alyp, onlain rejimde daiyndalyp, kózdegen maqsatyna jetýge kúsh salady..
Bizdińshe, tsifrlyq tehnologiialardyń kómegine júginip aýyl men qala mektepteri arasyndaǵy bilim berý isindegi alshaqtyqty túbirimen joiýdyń mańyzy zor. Bul úshin aýyldy jerlerde oqýshylary sapaly internet pen sandyq tehnologiialarǵa qoljetimdilikti arttyrý kerek. Bul óz kezeginde aýyl mektepterindegi bilim sapasyn jaqsartýǵa aitarlyqtai septesedi. Búginde muny Oqý aǵartý ministrligi de jete túsinip otyr. Olar bul baǵytta tiisti vedmostvalarmen tize qosyp, aýyl mektepterin internetpen qamtý deńgeiin 100%-ǵa deiin jetkizý úshin jan-jaqty jumystar júrgizýde.
Qazirgi tańda aýyldy jerlerdegi oqýshylardyń bilimin jetildirý úshin qosymshalar ashyp, repititorlar ustaityndai múmkindik kórip otyrǵan joqpyz. Eger osy baǵyttaǵy jumystardy onlain formatta aýystyrsaq, bul olqylyqty joiýǵa bolady.
Budan basqa Úkimet aýyl mektepterindegi infraqurylymdy damytý boiynsha mańyzdy is-sharalardy da qolǵa alyp, júzege asyryp jatyr. Bul rette aýyzdy qý shóppen súrtýge bolmaidy. Máselen, Oqý aǵartý ministrligi «Bilimdi ult» ulttyq jobasy aiasynda aýyl mektepteriniń materialdyq-tehnikalyq bazasyn nyǵaitý, jańa mektepter salý jáne eski mektepterdi modernizatsiialaý jumystaryn qarqyndy júrgizýde. Bul rette bilik oryndarynyń 2025 jylǵa deiin aýyldyq jerlerde 5000 mektepti jańartý jáne qosymsha 1000 jańa mektep salý isine tas túiin kirisip ketkenin aitsaq jetip jatyr.
Sonymen qatar aýyldaǵy ustazdardyń kásibi biliktiligin kóterý baǵdarlamalaryna qatysýǵa múmkindik jasap otyr. Taǵyda aita tússek, elimiz boiynsha muǵalimder mártebesin kóterý, olardyń jalaqysyn kóbeitý jáne jas mamandarǵa aýylda jumys isteýge arnalǵan yntalandyrýlar da aýyl men qala arasyndaǵy bilim berý isindegi alshaqtyqtardy joiýǵa óziniń áserin tigizetini anyq.
