Almaty oblysynyń ákimi Marat Sultanǵaziev oblysta nelikten uialy bailanysty sapasy nashar ekenin túsindirdi. Bul týraly oblys ákimi Dala podkast jobasynyń "Óńirler ekonomikasy" aidarynda aitty, - dep habarlaidy Dalanews.kz.
Marat Sultanǵazievtiń sózinshe, uialy bailanys operatorlarymen dialog ornatylǵan.
"Sońǵy qosqanymyz Freedom telecom. Kólsaida tolyǵymen antennalary qoiylyp, jumys bastaldy. Sonymen qatar Qapshaǵaidyń jaǵalaýynda da bar. Ári qarai da jumys istei beremiz. Tolyq internet júrgizilmegen 3-4 aýyl ǵana qaldy.
Eger sol jaqtan paida kórgisi keletin operatorlar bolsa solarmen nemese Ulttyq operatorlarmen jumysty jalǵastyramyz. Jalpy Almatynyń tóńireginde de bailanys nasharlap ketedi. Sondyqtan júieli túrde jumys júrgizilgen soń problema sheshiledi dep oilaimyz", - deidi oblys ákimi.
Eske salaiyq, buǵan deiin suhbatta Marat Sultanǵaziev Ile aýdanynyń ákimi Baǵdat Qarasaevtyń ustalǵanyna qatysty pikir bildirgen bolatyn.
Marat Sultanǵaziev Baǵdat Qarasaev aýdan ákimi bolǵandyqtan onyń tikelei basshysy ekenin atap ótti.
"Bul jaily aqparat alardan buryn talqylaǵan bolatynbyz. Keiin quqyq qorǵaý organdaryna tekseris júrgizsin dep jiberdik. Odan keiin Preziden ákimshiligine jumystan bosatý boiynsha hat jiberdik. Ekinshiden, Qarasaevtyń qai ýaqytta qyzmettik ókilin asyra paidalanǵany mańyzdy. Eger qoqys poligony týraly aitar bolsaq, ol 2019 jyly kásipkerlerge qoldanysqa berilgen.
Baǵdat Qarasaev jumystan bosatyldy, sebebi onyń qyzmet etý merzimi bitti. Aiyp taǵylǵanǵa deiin eki jyldyq jumys merzimi aiaqtalǵan. Rotatsiiaǵa sáikes, ol saiasi qyzmetker bolǵandyqtan jumys isteý mezgili bar. Merzimi aiaqtalǵan soń ketti", deidi Sultanǵaziev.
Marat Sultanǵaziev Baǵdat Qarasaevtyń qyzmettik merzimi oǵan aiyp taǵylyp, ustalǵanǵa deiin aiaqtalǵanyn atap ótti. Oblys ákimi bul oqiǵadan keiin óziniń otstavkaǵa ketýi ne ketpeýi týraly pikir bildirdi.
"Jalpy aiyp taǵylǵannan keiin ol qyzmetker bolmady. Árine, zańǵa baǵynamyz. Eger bizdi de jumystan bosatamyz dese, saiasi qyzmetker bolǵandyqtan eshqandai mezgilge de qaramaidy", deidi Marat Sultanǵaziev.
Ol Ile aýdanyna jańa ákim retinde birneshe kandidat usynylǵanyn aitady.
