Shahtinsk qalasynda áskeri qyzmetshiniń denesi tabyldy. Ol kópqabatty úilerdiń birinde óz-ózine qol jumsaǵan, – dep habarlaidy Dalanews.kz.
Qaiǵyly habardy QR Ulttyq ulany "Ortalyq" óńirlik qolbasshylyǵynyń baspasóz qyzmeti jetkizdi.
Baspasóz qyzmetiniń málimetinshe, QR Ulttyq ulany "Ortalyq" óńirlik qolbasshylyǵy 6505 áskeri bóliminiń kelisimshart boiynsha qyzmet etip jatqan áskeri qyzmetshiniń denesi ózi turyp jatqan páterden tabylǵan.
"Aǵymdaǵy jyldyń 13 qazanynda Shahtinsk qalasynda qyzmetten tys ýaqytta ózi turyp jatqan páterden kelisimshart boiynsha áskeri qyzmetshiniń denesi tabyldy. Boljamdy aqparatqa sáikes, áskeri qyzmetshi otbasylyq-turmystyq janjal negizinde ózine qol jumsaǵan. Qazaqstan Respýblikasy Ulttyq ulany "Ortalyq" óńirlik qolbasshylyǵy áskeri qyzmetshiniń týystary men jaqyndaryna kóńil aitady", – delingen habarlamada.
Oqiǵa boiynsha qylmystyq is qozǵaldy. Ólimniń sebep-saldary áli anyqtalyp jatyr.
