Atyraý oblysy Mahambet aýdanynda tyshqan qaptap, mektepter men balabaqshalar jabyldy. Buryń sońdy mundaı jaǵdaıdy kórmegen turǵyndar shoshyp otyr. Jurtta indet tarap keteme degen úreı basym dep habarlaıdy Dalanews.kz.

Mahambet aýdany Beıbarys, Taldykól aýyldarynda kemirgish qaptap ketken. Úı ishinde emin erkin júre almaı, úlken kisiler indet taraıma dep úreıli.

Taldykól aýylynyń turǵyny bylaı deıdi:

«Biz masqara bolyp jatyrmyz. 10 shaqty kún boldy. Úıimiz tyshqanǵa toly. Mysyq ta úlgermeı jatyr. Lıpýchka da jabystyryp, ý da salyp jatyrmyz. Dezınfeksıa da jasap jatyrmyz. Bul aýrýǵa ákelse, epıdemıaǵa alyp kelse, onda kim jaýap beredi?»

Kemirgishterdiń kesirinen eki mektep, eki balabaqsha ýaqytsha jabylǵan. Óıtkeni bul ǵımarattarda da tyshqandar tym kóbeıip ketti. 19 qarashadan beri olar qashyqtyqtan oqýǵa jiberildi.

Mamandar  tyshqandardan synama alyp, aýrý belgisi joq depti. Al okrýg ákimi tyshqandar aýyldyń bárinde emes, sýǵa jaqyn, ıaǵnı shet jaqtaǵy úılerde kóp dep otyr. Ári dalany túgel ýlaı almaımyz deıdi. Ondaı shara tek aýrý shyǵyp, karantınge jabylǵanda ǵana jasalady eken.

Sheneýnikter kemirgishterge qarsy bıdaıǵa aralas dárini ár turǵynnyń óz jaýapkershiligine beretinderin aıtty.