QMA Pavlodar oblysy boiynsha departamenti "Bogatyr kómir" JShS-nyń qarjysyn jymqyrý deregi boiynsha sotqa deiingi tergep-tekserý júrgizip jatyr, dep habarlaidy Dalanews.kz.
Birqatar kommertsiialyq kompaniia basshylary buryn paidalanylǵan qosalqy bólshekterdi jańa ónim retinde kásiporynǵa jetkizý shemasyn uiymdastyrǵan.
"Shemany iske asyrý úshin taýar men materialdardy qabyldaýǵa jaýapty "Bogatyr kómir" JShS-nyń qyzmetkeri tartylǵan. Ol talaptarǵa sáikes kelmeitin bólshekterdi esh kedergisiz qabyldap, olardyń sapasyn negizsiz túrde rastaǵan. Eki jyl boiy jalǵan sertifikattar boiynsha reaktorlar, tsilindr bloktary, avtotirkemeler jáne tejegish júieleriniń bólshekteri jańa ónim retinde jetkizilip otyrǵan", - dep jazylǵan habarlamada.
Saldarynan "Bogatyr kómir" JShS-ǵa 123 mln teńge kóleminde zalal kelgen. Qylmystyq jolmen alynǵan qarajat bailanysy bar JShS jáne jeke kásipkerler arqyly jalǵan sharttar boiynsha shyǵarylyp, qolma-qol aqshaǵa ainaldyrylǵan.
Tintý barysynda kúdiktilerden 27 mln teńge qolma-qol aqsha tárkilendi.
Sot sanktsiiasymen kúdiktilerdiń 6 kóligine, sonyń ishinde Cadillac Escalade, Range Rover, Toyota Land Cruiser 250 kólikterine tyiym salyndy.
Úsh kúdikti qamaýǵa alyndy.
