Qasym-Jomart Toqaev pen Armeniia Premer-ministri Nikol Pashinian resmi kezdesýden keiin BAQ ókilderine arnalǵan brifing ótkizdi. Kezdesý barysynda ekijaqty ekonomikalyq yntymaqtastyqty keńeitý máseleleri basty nazarda boldy, dep habarlaidy Dalanews.kz.
Memleket basshysy Qasym-Jomart Toqaev Armeniiamen tikelei saýda júrgizýge múmkindik bergen sheshimi úshin Ázerbaijan basshylyǵyna alǵys bildirdi. Onyń sózinshe, biyl qarasha aiynda Ázerbaijan aýmaǵy arqyly Armeniiaǵa Qazaqstan bidaiynyń alǵashqy 1 myń tonnasy jetkizildi. Prezident bul qadamnyń saiasi ári ekonomikalyq turǵydan mańyzdy bastama ekenin atap ótti.
– «Biz Armeniiaǵa joǵary sapaly astyq ónimderin jáne basqa da taýarlardy turaqty jetkizýge daiynbyz. Osy baǵyttaǵy jumysty kúsheitýge ýaǵdalastyq», – dedi Toqaev.
Sondai-aq eki el arasynda tikelei áýe reisin ashý, júk tasymalyn retke keltirý máseleleri talqylandy. Prezidenttiń aitýynsha, bul qadamdar Qazaqstan men Armeniia arasyndaǵy yntymaqtastyqty jańa deńgeige kóteredi.
Kelissózder eki eldiń saýda-ekonomikalyq bailanystaryn keńeitýge, logistikalyq múmkindikterdi arttyrýǵa baǵyttalǵan ózara túsinistikpen ótti.
