قاسىم-جومارت توقاەۆ پەن ارمەنييا پرەمەر-مينيسترٸ نيكول پاشينيان رەسمي كەزدەسۋدەن كەيٸن باق ٶكٸلدەرٸنە ارنالعان بريفينگ ٶتكٸزدٸ. كەزدەسۋ بارىسىندا ەكٸجاقتى ەكونوميكالىق ىنتىماقتاستىقتى كەڭەيتۋ مەسەلەلەرٸ باستى نازاردا بولدى, دەپ حابارلايدى Dalanews.kz.
مەملەكەت باسشىسى قاسىم-جومارت توقاەۆ ارمەنييامەن تٸكەلەي ساۋدا جٷرگٸزۋگە مٷمكٸندٸك بەرگەن شەشٸمٸ ٷشٸن ەزەربايجان باسشىلىعىنا العىس بٸلدٸردٸ. ونىڭ سٶزٸنشە, بيىل قاراشا ايىندا ەزەربايجان اۋماعى ارقىلى ارمەنيياعا قازاقستان بيدايىنىڭ العاشقى 1 مىڭ تونناسى جەتكٸزٸلدٸ. پرەزيدەنت بۇل قادامنىڭ ساياسي ەرٸ ەكونوميكالىق تۇرعىدان ماڭىزدى باستاما ەكەنٸن اتاپ ٶتتٸ.
– «بٸز ارمەنيياعا جوعارى ساپالى استىق ٶنٸمدەرٸن جەنە باسقا دا تاۋارلاردى تۇراقتى جەتكٸزۋگە دايىنبىز. وسى باعىتتاعى جۇمىستى كٷشەيتۋگە ۋاعدالاستىق», – دەدٸ توقاەۆ.
سونداي-اق ەكٸ ەل اراسىندا تٸكەلەي ەۋە رەيسٸن اشۋ, جٷك تاسىمالىن رەتكە كەلتٸرۋ مەسەلەلەرٸ تالقىلاندى. پرەزيدەنتتٸڭ ايتۋىنشا, بۇل قادامدار قازاقستان مەن ارمەنييا اراسىنداعى ىنتىماقتاستىقتى جاڭا دەڭگەيگە كٶتەرەدٸ.
كەلٸسسٶزدەر ەكٸ ەلدٸڭ ساۋدا-ەكونوميكالىق بايلانىستارىن كەڭەيتۋگە, لوگيستيكالىق مٷمكٸندٸكتەردٸ ارتتىرۋعا باعىتتالعان ٶزارا تٷسٸنٸستٸكپەن ٶتتٸ.
