Vladimir Zelenskii Ýkraina halqyna arnalǵan 10 minýttyq úndeý jazyp, AQSh usynǵan soǵysty aiaqtaý jónindegi beibit jospary jóninde pikir bildirdi. Ol eldiń aýyr kezeńdi bastan ótkerip jatqanyn atap ótti dep habarlaidy Dalanews.kz.
Vladimir Zelenskiidiń Ýkraina halqyna arnalǵan 10 minýttyq úndeýi el prezidentiniń barlyq áleýmettik jelilerinde jariialandy. Zelenskii ýkrain tilinde sóilegen. BAQ-ta Zelenskii aitqan sózderiniń oryssha aýdarmasy paida boldy. Zelenskii Ýkraina úshin kelesi aptanyń «qiyn bolatynyn» aitty.
«Qazir Ýkraina óte qiyn tańdaý aldynda bolýy múmkin: nemese abyroidan aiyrylý, nemese negizgi seriktesinen aiyrylý qaýpi, nemese 28 kúrdeli tarmaq, nemese asa aýyr qys, eń qiyn qys jáne odan keiingi táýekelder», – dep atap ótti Zelenskii.
Ol sondai-aq Ýkraina daýystap málimdemeler jasamaitynyn, kerisinshe «AQSh pen barlyq seriktestermen tynysh jumysyn jalǵastyra beretinin» habarlady.
«Men jospardaǵy barlyq tarmaqtardyń ishinde eń bolmaǵanda eki tarmaqtyń ótkizip jiberilmeýi úshin kúresemin. Bul – ýkraindardyń abyroiy men bostandyǵy, óitkeni barlyǵy osyǵan negizdeledi. Bizdiń táýelsizdigimiz, egemendigimiz, jerimiz, halqymyz jáne ýkrain bolashaǵy», – dedi ol.
