Saiasattanýshy Berik Ábdiǵaliuly «Abay Live» podkastynda aýdan ákimderin sailaý júiesiniń artyqshylyqtary men kemshilikterin talqylady. Onyń aitýynsha, aýyl ákimderin sailaý qoǵamda burynnan kóterilip júrgen másele bolatyn, qazirgi reformalar sol qoǵamdyq suranystyń nátijesi ekenin aitty, dep habarlaidy Dalanews.kz
Spiker sońǵy jyldary elde demokratiialyq protsester jandanyp, halyqtyń saiasi belsendiligi artqanyn jetkizdi.Degenmen, sailaýlardyń tym jii ótkizilýi halyqty sharshatqany baiqalady.
«Sońǵy bir jylda ǵana 6–7 aýdan jańa ákim sailady. Bul qarjylyq jaǵynan da salmaq túsiredi: tek bir jylda bul naýqanǵa shamamen 1 mlrd teńge jumsalǵan», – dedi saiasattanýshy.
Ol sondai-aq ákimniń bir jyl ótpei qyzmetten ketýi jańa sailaýdy mindetti túrde talap etetinin aitty.
Baǵdarlama sońynda Ábdiǵaliuly aýdan ákimderiniń jaýapkershiligin arttyrý úshin olardyń máslihatqa táýeldi bolýyn durys dep sanady. Onyń aitýynsha, aýdan ákimderiniń sailaýyn máslihattardyń júrgizgeni abzal. Júrgizýshiniń sońǵy qoiǵan suraqtardyń birine Berik Ábdiǵaliuly eń bastysy aýdan ákimderiniń jumysy tiimdi jáne nátijeli bolýy kerek dep ún qatty. Aýdandardaǵy máslihat bul ózin-ózi basqarý júiesi, júrgizilip jatqan jumysty halyq tikelei jáne ózderiniń máslihattaǵy ókilderi arqyly baqylaý kerekdep qorytyndylady óz sózin belgili qoǵam qairatkeri.
