ساياساتتانۋشى بەرٸك ەبدٸعاليۇلى «Abay Live» پودكاستىندا اۋدان ەكٸمدەرٸن سايلاۋ جٷيەسٸنٸڭ ارتىقشىلىقتارى مەن كەمشٸلٸكتەرٸن تالقىلادى. ونىڭ ايتۋىنشا, اۋىل ەكٸمدەرٸن سايلاۋ قوعامدا بۇرىننان كٶتەرٸلٸپ جٷرگەن مەسەلە بولاتىن, قازٸرگٸ رەفورمالار سول قوعامدىق سۇرانىستىڭ نەتيجەسٸ ەكەنٸن ايتتى, دەپ حابارلايدى Dalanews.kz
سپيكەر سوڭعى جىلدارى ەلدە دەموكراتييالىق پروتسەستەر جاندانىپ, حالىقتىڭ ساياسي بەلسەندٸلٸگٸ ارتقانىن جەتكٸزدٸ.دەگەنمەن, سايلاۋلاردىڭ تىم جيٸ ٶتكٸزٸلۋٸ حالىقتى شارشاتقانى بايقالادى.
«سوڭعى بٸر جىلدا عانا 6–7 اۋدان جاڭا ەكٸم سايلادى. بۇل قارجىلىق جاعىنان دا سالماق تٷسٸرەدٸ: تەك بٸر جىلدا بۇل ناۋقانعا شامامەن 1 ملرد تەڭگە جۇمسالعان», – دەدٸ ساياساتتانۋشى.
ول سونداي-اق ەكٸمنٸڭ بٸر جىل ٶتپەي قىزمەتتەن كەتۋٸ جاڭا سايلاۋدى مٸندەتتٸ تٷردە تالاپ ەتەتٸنٸن ايتتى.
باعدارلاما سوڭىندا ەبدٸعاليۇلى اۋدان ەكٸمدەرٸنٸڭ جاۋاپكەرشٸلٸگٸن ارتتىرۋ ٷشٸن ولاردىڭ مەسليحاتقا تەۋەلدٸ بولۋىن دۇرىس دەپ سانادى. ونىڭ ايتۋىنشا, اۋدان ەكٸمدەرٸنٸڭ سايلاۋىن مەسليحاتتاردىڭ جٷرگٸزگەنٸ ابزال. جٷرگٸزۋشٸنٸڭ سوڭعى قويعان سۇراقتاردىڭ بٸرٸنە بەرٸك ەبدٸعاليۇلى ەڭ باستىسى اۋدان ەكٸمدەرٸنٸڭ جۇمىسى تيٸمدٸ جەنە نەتيجەلٸ بولۋى كەرەك دەپ ٷن قاتتى. اۋداندارداعى مەسليحات بۇل ٶزٸن-ٶزٸ باسقارۋ جٷيەسٸ, جٷرگٸزٸلٸپ جاتقان جۇمىستى حالىق تٸكەلەي جەنە ٶزدەرٸنٸڭ مەسليحاتتاعى ٶكٸلدەرٸ ارقىلى باقىلاۋ كەرەكدەپ قورىتىندىلادى ٶز سٶزٸن بەلگٸلٸ قوعام قايراتكەرٸ.
