Astanadaǵy «Big Shanhai» saýda kesheninde bolǵan alapat órt saldarynan júzdegen kásipker kásibinen aiyryldy. Qazir zardap shekkender óz shyǵyndaryn eseptep jatyr. Saýda orny tolyǵymen janyp ketken. Jalpy órt 30 myń sharshy metr aýmaqty sharpyǵan,- dep habarlaidy Dalanews.kz KTK arnasyna silteme jasap.
Órt kezinde úsh qutqarýshy jaraqat alǵan. Olar búgin aýrýhanadan shyǵarylyp, ambýlatorlyq emdeýge jiberildi. Al bazardaǵy kásipkerler órttiń neden shyqqanyn jáne nelikten der kezinde órt sóndirýshiler shaqyrylmaǵanyn túsine almai otyr. Olardyń aitýynsha, órt týraly dabyldy eshkim bermegen, al órt sóndirýshiler ózderi kelgen.
Saýdager Asqar Arystanovtyń aitýynsha, ol satatyn sómkeler men oramaldardyń bári janyp ketken. Kásipker shyǵynyn 50 million teńgege baǵalap otyr. Basqa kásipkerler de osyndai qiyn jaǵdaida qalǵan. Biri 20 million teńgelik nesiesin tólei almai jatsa, endi biri salyqtan bosatylmaǵanyn aityp, shaǵymdanýda.
Qazirgi tańda órttiń naqty sebebi anyqtalǵan joq. Saýda ornynyń mańaiy qorshalǵan, politsiia kúzetýde, tergeý amaldary júrip jatyr. Saýda kesheniniń ákimshiligi de, qalalyq bilik te oqiǵaǵa qatysty túsinikteme berýden bas tartqan. Al zardap shekken kásipkerler sany 280-ge jýyq deidi, degenmen naqty sany odan da kóp bolýy múmkin. Sebebi, bazardaǵy saýda oryndarynyń sany 1 myńnan 3 myńǵa deiin jetedi degen málimet bar.
Depýtattar elde tutas bazarlar is júzinde órtenip jatqan keleńsiz jaǵdailarǵa nazar aýdardy.
“Tótenshe jaǵdailar departamenti 15 kúnde órt bolǵany týraly arnaiy anyqtama beredi jáne bul bankterge qaryzyn keiinge qaldyrýǵa negiz bolady. Degenmen qaryzdyń ústine ósimpul júredi. Al biz tarap retinde qosymsha sanktsiialar bolmai, bizneske aýyrtpalyq túsirilmegenin, kásipkerler óz qyzmetin erkin júrgizse eken deimiz”, – dedi depýtat Aitýar Qoshmambetov.
Eske salaiyq, «Big Shanhai» bazaryndaǵy órt 18 shildede tańǵa jýyq tutanǵan. Ony sóndirýge joǵary dárejeli shaqyrtý boiynsha qutqarýshylar jumyldyrylyp, órt bir táýlikten astam ýaqyt boiy sóndirilgen. Saýdagerlerge qazirgi tańda konteinerler beriletini aitylǵanymen, olardyń ishinde saýda júrgizýge taýar qalmaǵan.
