Almatydaǵy №1 balalar úiiniń tárbielenýshilerin Qonaevqa kóshirý týraly sheshim qoǵamda úlken narazylyq týǵyzdy. 21 shilde kúni josparly kóshirý – balalardyń jylaýy, talyp qalýy, politsiia men jedel járdemniń kelýimen aiaqtaldy. Áleýmettik jelilerde videoúndeýler tarap, qoǵam belsendileri men jýrnalister bul istiń astarynda ne jatqanyn qazbalap jatqanda, araǵa Prezident aralasty, dep habarlaidy Dalanews.kz.
Memleket basshysy Qasym-Jomart Toqaev jaǵdaimen tanysyp shyqqan soń Almaty qalasynyń ákimi Darhan Satybaldyǵa «Baǵanashyl» balalar úiin jóndep, nysandy qalanyń balansyna qabyldaýdy tapsyrdy. Bul týraly Prezidenttiń keńesshisi ári baspasóz hatshysy Rýslan Jeldibai málimdedi. Sonymen qatar Prezident Ákimshiligi tarapynan qyzmettik tergeý taǵaiyndalǵany habarlandy.
«10 jyl boiy jóndeýge qarjy bólmegen»: ashy shyndyq
Almaty oblysy ákimdigi balalar úiin kóshirýdiń sebebin «ǵimarattyń apatty jaǵdaiy» dep túsindirgen. Olardyń aitýynsha, 2020 jyly «BiS Proekt» JShS ǵimaratqa kúrdeli jóndeý qajet degen qorytyndy bergen. Alaida sol ýaqyttan beri jóndeý jumystaryna qarajat bólinbegen. 2024 jyly «Astana Qurylys Servis» kompaniiasy ótkizgen jańa tekserý ǵimarattyń «paidalanýǵa múlde jaramsyz» ekenin rastaǵan-mys. Atalǵan qujatty eshkim kórmegen.
Qoǵam qairatkeri Arýjan Sainnyń aitýynsha, jóndeýge qatysty jobalyq-smetalyq qujattama, saraptama qorytyndysy bar, zańdy rásimdelgen.
«Biraq ákimdik bul jumystyń birde-birin iske asyrmaǵan. Endi seismikalyq qaýip pen «qorqynyshty aktilerge» súienip, ǵimarattan bas tartqysy keledi. Qujatty eshkim kórgen joq. Ol bar ma – belgisiz», – dedi Sain.
Sondai-aq bul daýdyń astarynda Baǵanashyl yqshamaýdanyndaǵy balalar úiiniń jer telimi tur degen kúdik bar. Bul týraly da qoǵamda jii aitylyp júr.
Aryz, beineúndeý jáne artqa sheginý
Naýryz aiynda balalar úiiniń tárbielenýshileri áleýmettik jelige videoúndeý joldap, Qonaevqa kóshkileri kelmeitinin aitqan. «Biz óz úiimizde qalǵymyz keledi», – dedi olar. Bul úndeýge qoǵam belsendileri qoldaý bildirip, 21 shildede balalar úiiniń aldyna jinaldy. Olar kóshirý áreketine jol bermeýdi talap etti.
Qysym kúsheigen soń Almaty oblysynyń ákimi Marat Sultanǵaziev ózi balalar úiine baryp, tárbielenýshilermen, pedagogtarmen, direktor Roza Bekishevamen kezdesip, jaǵdaidy kózben kórdi. Kezdesýge Bala quqyqtary jónindegi ýákil Dinara Zakieva, bilim basqarmasynyń basshysy Saltanat Bespaeva jáne ózge de laýazymdy tulǵalar qatysty.
Nátijesinde, ákimdik resmi túrde: «Qazir oqyp júrgen balalar Almatyda qalady, jańadan qabyldanatyn balalar Qonaevtaǵy jańa ǵimaratqa ornalastyrylady» dep habarlady. Oblys ákiminiń aitýynsha, balalardyń ózderi qalǵysy keletinin jáne jańa ortaǵa beiimdelý olar úshin qiyn bolatynyn eskerip, sheshim solai qabyldanǵan.
Al depýtat nege alańdaýly?
Alaida jaǵdaimen tynyshtala bergende Májilis depýtaty Baqytjan Bazarbek sheneýnikterdiń ýádesine senbeýge negiz bar ekenin kórsetti. Ol 10 shildede shyqqan Almaty oblysy bilim basqarmasynyń №270 buiryǵyn jariialady. Qujatta "Arnaiy áleýmettik qyzmetterdi qajet etetin balalardy qoldaý ortalyǵynyń" ornalasqan jeri ózgeretini jazylǵan.
«Bul ne sonda? Úsh ai buryn sizder balalar úiin kóshirmeimiz dep sendirdińizder. Al myna buiryq neni bildiredi? Men resmi túsinikteme kútemin», – dep jazdy depýtat.
