Kásipkerlerdiń quqyqtaryn qorǵaý jónindegi ýákil Qanat Nurov jańa Salyq kodeksindegi úsh daýly máseleni atap ótti. Bul týraly vitse-premer Serik Jumanǵarin men UKP tóraǵasy Raiymbek Batalov qatysqan "Atameken" UKP alańynda qabyldanǵan qujatty túsindirý jumystary kezinde belgili boldy, dep habarlaidy Dalanews.kz LS basylymyna silteme jasap.
- Birinshi másele - shaǵyn jáne orta bizneske qysym bolýy múmkin QQS boiynsha aldyn ala jasalatyn tólem.
- Ekinshisi - ákimshilik sot isin júrgizý sheńberinde emes, iaǵni tekserý júrgizbesten, salyq organdarynyń bastamasymen azamattyq talap-aryzdar boiynsha mámilelerdiń kúshin joiý.
- Úshinshisi - Azamattyq kodekstiń erejelerin buza otyryp, kásiporyndardy tirkeý sharasynyń kúshin joiý jáne olardy jaramsyz dep taný.
"Eger biz osy úsh máseleni rettei alatyn bolsaq, taǵy bir máseleniń basy ashyq qalady: arnaiy salyq rejimin qoldanatyn kásiporyndardyń shyǵystary shegerimin qabyldaýdan bas tartý", – dep atap ótti ol.
Sonymen qatar, Nurovtyń aitýynsha, baǵaly qaǵazdar salyq salymymen bailanysty taǵy bir mańyzdy kemshin tus bar. Búginderi tek paidaly bólik esepteledi, al shyǵyndar esepke alynbaidy. Onyń pikirinshe, salyq salymyna qorytyndy saldo da jatýy kerek, iaǵni kirister men shyǵystar arasyndaǵy aiyrma.
Aita ketsek, Memleket basshysy Qasym-Jomart Toqaev 2026 jyldyń 1 qańtarynan bastap kúshine enetin jańa Salyq kodeksine ótken jumada qol qoiyp jiberdi.
