كاسىپكەرلەردىڭ قۇقىقتارىن قورعاۋ جونىندەگى ۋاكىل قانات نۇروۆ جاڭا سالىق كودەكسىندەگى ءۇش داۋلى ماسەلەنى اتاپ ءوتتى. بۇل تۋرالى ۆيسە-پرەمەر سەرىك جۇمانعارين مەن ۇكپ ءتوراعاسى رايىمبەك باتالوۆ قاتىسقان "اتامەكەن" ۇكپ الاڭىندا قابىلدانعان قۇجاتتى ءتۇسىندىرۋ جۇمىستارى كەزىندە بەلگىلى بولدى، دەپ حابارلايدى Dalanews.kz LS باسىلىمىنا سىلتەمە جاساپ.
- ءبىرىنشى ماسەلە - شاعىن جانە ورتا بيزنەسكە قىسىم بولۋى مۇمكىن ققس بويىنشا الدىن الا جاسالاتىن تولەم.
- ەكىنشىسى - اكىمشىلىك سوت ءىسىن جۇرگىزۋ شەڭبەرىندە ەمەس، ياعني تەكسەرۋ جۇرگىزبەستەن، سالىق ورگاندارىنىڭ باستاماسىمەن ازاماتتىق تالاپ-ارىزدار بويىنشا مامىلەلەردىڭ كۇشىن جويۋ.
- ءۇشىنشىسى - ازاماتتىق كودەكستىڭ ەرەجەلەرىن بۇزا وتىرىپ، كاسىپورىنداردى تىركەۋ شاراسىنىڭ كۇشىن جويۋ جانە ولاردى جارامسىز دەپ تانۋ.
"ەگەر ءبىز وسى ءۇش ماسەلەنى رەتتەي الاتىن بولساق، تاعى ءبىر ماسەلەنىڭ باسى اشىق قالادى: ارنايى سالىق رەجيمىن قولداناتىن كاسىپورىنداردىڭ شىعىستارى شەگەرىمىن قابىلداۋدان باس تارتۋ"، – دەپ اتاپ ءوتتى ول.
سونىمەن قاتار، نۇروۆتىڭ ايتۋىنشا، باعالى قاعازدار سالىق سالىمىمەن بايلانىستى تاعى ءبىر ماڭىزدى كەمشىن تۇس بار. بۇگىندەرى تەك پايدالى بولىك ەسەپتەلەدى، ال شىعىندار ەسەپكە الىنبايدى. ونىڭ پىكىرىنشە، سالىق سالىمىنا قورىتىندى سالدو دا جاتۋى كەرەك، ياعني كىرىستەر مەن شىعىستار اراسىنداعى ايىرما.
ايتا كەتسەك، مەملەكەت باسشىسى قاسىم-جومارت توقايەۆ 2026 جىلدىڭ 1 قاڭتارىنان باستاپ كۇشىنە ەنەتىن جاڭا سالىق كودەكسىنە وتكەن جۇمادا قول قويىپ جىبەردى.
