Búgin 6 maýsym Astana qalasy kúnine oraı Elorda ákimi Jeńis Qasymbek óziniń áleýmettik jelidegi paraqshasynda qala turǵyndlary men qonaqtaryn aıtýly merekmen quttyqtady, – dep habarlaıdy Dalanews.kz.

– Qurmetti Astana qalasynyń turǵyndary men qonaqtary! Elordamyzdyń 26 jyldyǵy qutty bolsyn!

Qalamyzdyń qalyptasýy men damý jolynyń artynda qashanda sizder turasyzdar! Sizder túrli salalarda eńbek etip júrsizder: balalarǵa bilim berý, naýqastardy emdeý, nysandar salý, týrızmdi damytý. Árqaısylaryńyz qalamyzdyń damýyna ólsheýsiz úles qosyp júrsizder.

Astanamyz 300 myń turǵyny bar arqa dalasyndaǵy shaǵyn qaladan iri megapolıske aınaldy. Qazir qalada 1,5 mıllıonǵa jýyq adam turady.

Qalamyzdy odan ary jaıly etý jolynda júıeli birqatar máseleni sheshý úshin jumys istep júrmiz. Olar – tirshilikti qamtamasyz etý júıeleri, ınjenerlik jáne jol ınfraqurylymy, bilim berý, sport jáne medısına nysandary, qoǵamdyq jáne aýlalyq keńistikter nysandarynyń qurylysy.

Bul kúnderi qalada ondaǵan túrli is-shara ótip, jańa qoǵamdyq jáne aýla keńistikteri ashylyp jatyr.

Astana kúni qutty bolsyn! Sizderge zor densaýlyq, mol baqyt, qajymas qaırat tileımin! – dep elorda ákimi júrekjardy tilegin turǵyndarǵa arnady.