Qazaqstannyń Syrtqy ister ministrligi Ystanbulda kýrer bolyp jumys istegen qazaqstandyqtyń qaza tabýyna bailanysty pikir bildirdi, dep habarlaidy Dalanews.kz.
Vedomstvonyń baspasóz qyzmetiniń habarlaýynsha, qaiǵyly oqiǵa 31 naýryz kúni Túrkiianyń Ystanbul qalasyndaǵy Fatih aýdanynda bolǵan.
Qazirgi tańda oqiǵanyń mán-jaiyn Túrkiia Respýblikasynyń quzyrly organdary anyqtap jatyr. Al Qazaqstannyń Ystanbuldaǵy Bas konsýldyǵy marqumnyń jaqyndaryna qajetti konsýldyq kómek kórsetýdi qolǵa aldy.
Ministrlik bul istiń baqylaýda ekenin málimdedi.
Eske salaiyq, buǵan deiin Túrkiianyń Ystanbul qalasynda Qazaqstan azamaty Arif Ismailov qaza tapqany týraly jazǵan edik.
Málimetke sáikes, belgisiz adam er adamǵa jaqyndap, basynan atyp, oqiǵa ornynan qashyp ketken. Qazaqstandyq alǵan jaraqatynan sol jerde kóz jumǵan.
Qylmys sáti beinebaqylaý kameralaryna túsip qalǵan.
Keiin politsiia kúdiktilerdi ustaý boiynsha jedel sharalar júrgizgen. Nátijesinde elden ketpek bolǵan eki adam Túrkiianyń Edirne provintsiiasynda, shekara mańynda qolǵa túsken. Olar Grýziia azamattary ekeni anyqtalǵan.
Qazirgi ýaqytta oqiǵa boiynsha tergeý jalǵasyp jatyr.
Qazaqstannyń Syrtqy ister ministrligine resmi túsinikteme alý úshin saýal joldandy.
