قازاقستاننىڭ سىرتقى ٸستەر مينيسترلٸگٸ ىستانبۇلدا كۋرەر بولىپ جۇمىس ٸستەگەن قازاقستاندىقتىڭ قازا تابۋىنا بايلانىستى پٸكٸر بٸلدٸردٸ, دەپ حابارلايدى Dalanews.kz.
ۆەدومستۆونىڭ باسپاسٶز قىزمەتٸنٸڭ حابارلاۋىنشا, قايعىلى وقيعا 31 ناۋرىز كٷنٸ تٷركييانىڭ ىستانبۇل قالاسىنداعى فاتيح اۋدانىندا بولعان.
قازٸرگٸ تاڭدا وقيعانىڭ مەن-جايىن تٷركييا رەسپۋبليكاسىنىڭ قۇزىرلى ورگاندارى انىقتاپ جاتىر. ال قازاقستاننىڭ ىستانبۇلداعى باس كونسۋلدىعى مارقۇمنىڭ جاقىندارىنا قاجەتتٸ كونسۋلدىق كٶمەك كٶرسەتۋدٸ قولعا الدى.
مينيسترلٸك بۇل ٸستٸڭ باقىلاۋدا ەكەنٸن مەلٸمدەدٸ.
ەسكە سالايىق, بۇعان دەيٸن تٷركييانىڭ ىستانبۇل قالاسىندا قازاقستان ازاماتى اريف يسمايلوۆ قازا تاپقانى تۋرالى جازعان ەدٸك.
مەلٸمەتكە سەيكەس, بەلگٸسٸز ادام ەر ادامعا جاقىنداپ, باسىنان اتىپ, وقيعا ورنىنان قاشىپ كەتكەن. قازاقستاندىق العان جاراقاتىنان سول جەردە كٶز جۇمعان.
قىلمىس سەتٸ بەينەباقىلاۋ كامەرالارىنا تٷسٸپ قالعان.
كەيٸن پوليتسييا كٷدٸكتٸلەردٸ ۇستاۋ بويىنشا جەدەل شارالار جٷرگٸزگەن. نەتيجەسٸندە ەلدەن كەتپەك بولعان ەكٸ ادام تٷركييانىڭ ەديرنە پروۆينتسيياسىندا, شەكارا ماڭىندا قولعا تٷسكەن. ولار گرۋزييا ازاماتتارى ەكەنٸ انىقتالعان.
قازٸرگٸ ۋاقىتتا وقيعا بويىنشا تەرگەۋ جالعاسىپ جاتىر.
قازاقستاننىڭ سىرتقى ٸستەر مينيسترلٸگٸنە رەسمي تٷسٸنٸكتەمە الۋ ٷشٸن ساۋال جولداندى.
