Almatyda otandyq tehnologiialar negizinde óndiris qaldyqtarynan qurǵaq qurylys qospalaryn shyǵaratyn jańa zaýyt iske qosyldy, dep habarlaidy Dala News.
Joba Satbayev University ǵalymdarynyń qatysýymen jáne birqatar qazaqstandyq joǵary oqý oryndary men ǵylymi uiymdardyń birlesýi arqyly júzege asyrylǵan. Ǵylymi top zertteý jumystaryn tolyq tsikl boiynsha júrgizgen – retseptýra ázirleýden bastap, shikizatty irikteý, tehnologiialyq protsesterdi baptaý jáne óndiristi iske qosýǵa deiin.
Jobanyń basty ereksheligi – jergilikti mineraldy shikizat pen qaita óńdelgen óndiristik qaldyqtardy paidalaný. Bul tásil ekologiialyq júktemeni azaityp qana qoimai, óndiristiń ekonomikalyq tiimdiligin arttyrýǵa múmkindik beredi.
Satbayev University professory Rýslan Nurlybaevtyń aitýynsha, ǵalymdar tek jańa materialdar tehnologiiasyn jasap qana qoimai, ony ónerkásiptik deńgeige deiin jetkizgen.
Zaýytta óndiriletin qurylys qospalary joǵary beriktikke ie, ulttyq standarttarǵa sáikes keledi jáne sertifikattaýdan ótken. Qazirgi tańda bul ónimder otandyq qurylys kompaniialary tarapynan qoldanylyp jatyr.
Joba aiasynda iske qosylǵan DIATOMITE zaýyty Satbayev University bazasynda qurylyp jatqan TECHNOPARK STROYTECH innovatsiialyq kesheniniń bir bóligi bolyp tabylady. Bul bastama Memleket basshysy Qasym-Jomart Toqaev tapsyrmasyna sáikes ýniversitetter negizinde tehnologiialyq parkter qurý jáne ǵylymdy óndiris salasyna engizý maqsatynda júzege asyrylýda.
Aýqymdy jobaǵa sondai-aq D. Serikbaev atyndaǵy Shyǵys Qazaqstan tehnikalyq ýniversiteti, M. Áýezov atyndaǵy Ońtústik Qazaqstan ýniversiteti, Metallýrgiia jáne baiytý institýty jáne indýstriialyq seriktes «SAVENERGY» kompaniiasy qatysýda.
Ǵylym jáne joǵary bilim ministri Saiasat Nurbek bul jobanyń basty ereksheligi – ǵylym men biznestiń tiimdi bailanysynda ekenin atap ótti. Onyń aitýynsha, mundai tájiribeni el kóleminde keńinen engizý josparlanyp otyr.
Zaýyt bazasynda oqý-zerthanalyq keshen de jumys isteidi. Munda magistranttar men doktoranttar ǵylymi zertteýlerge qatysyp, jańa qurylys materialdaryn synaqtan ótkizedi.
Aldaǵy ýaqytta ónim túrlerin kóbeitý, óndiris kólemin arttyrý jáne osy tehnologiialardy Qazaqstannyń basqa óńirlerinde de engizý josparlanyp otyr.
