2026 jylǵy 15 sáýir men 31 mamyr aralyǵynda áýejaıdyń ushý-qoný jolaǵynda josparly jóndeý jumystary júrgiziledi, dep habarlaıdy Dala News.
Jóndeý jumystary kún saıyn saǵat 10:00-den 18:00-ge deıin ótedi. Osy ýaqytqa sáıkes keletin barlyq reıster aldyn ala qaıta josparlanyp, erterek nemese keshirek ýaqyttarǵa aýystyrylǵan.
Jolaýshylarǵa saparlaryn josparlaý kezinde reıs ýaqytyna qatysty aqparatty aldyn ala naqtylap alý usynylady.
Áýejaı termınaly men barlyq qyzmet kórsetý aımaqtary qalypty rejımde jumys isteıdi.
Keptelistiń aldyn alý úshin jolaýshylarǵa áýejaıǵa aldyn ala kelý usynylady:
– ishki reıster úshin keminde 2 saǵat buryn
– halyqaralyq reıster úshin keminde 3 saǵat buryn
Jóndeý jumystary ushý qaýipsizdigin qamtamasyz etý maqsatynda júrgizilýde.
