Qazaqstanda úleskerlerdiń quqyqtaryn qorǵaýdy kúsheitý maqsatynda josyqsyz qurylys salýshylardyń biryńǵai tizilimi qurylmaq. Bul bastama Ónerkásip jáne qurylys ministrligi ázirlegen buiryq jobasynda qarastyrylǵan, dep habarlaidy Dalanews.kz.
Jańa júiege sáikes, tizilimdi jergilikti atqarýshy organdar elektrondy formatta júrgizedi. Ol úshin úlestik qurylysqa arnalǵan biryńǵai aqparattyq júie qoldanylady. Tizimge úleskerlerdiń quqyqtaryn buzǵan nemese mindettemelerin oryndamaǵan qurylys kompaniialary engiziledi.
Qujatta qurylys salýshylardy baǵalaýdyń táýekelge negizdelgen tásili usynylǵan. Soǵan sáikes, kompaniialar tórt sanatqa bólinedi: habarlamalyq deńgei, táýekeli joǵary top, zańda kózdelgen negizder boiynsha anyqtalǵandar jáne problemalyq nysandar. Mundai jikteý qurylys salasyndaǵy táýekelderdi erte anyqtap, aldyn alý sharalaryn kúsheitýge múmkindik beredi.
Sondai-aq tizilimge engizý jáne odan shyǵarý rásimderi, ótinishterdi qaraý merzimderi men kompaniialardy habardar etý tártibi naqty reglamenttelgen. Eger sot qurylys kompaniiasyn tizimge engizý týraly sheshimdi zańsyz dep tanysa, ol avtomatty túrde tizilimnen shyǵarylady.
Bul bastama qurylys naryǵyndaǵy ashyqtyqty arttyryp, úleskerlerdiń múddesin qorǵaýǵa baǵyttalǵan mańyzdy qadam bolmaq.
