قازاقستاندا ٷلەسكەرلەردٸڭ قۇقىقتارىن قورعاۋدى كٷشەيتۋ ماقساتىندا جوسىقسىز قۇرىلىس سالۋشىلاردىڭ بٸرىڭعاي تٸزٸلٸمٸ قۇرىلماق. بۇل باستاما ٶنەركەسٸپ جەنە قۇرىلىس مينيسترلٸگٸ ەزٸرلەگەن بۇيرىق جوباسىندا قاراستىرىلعان, دەپ حابارلايدى Dalanews.kz.
جاڭا جٷيەگە سەيكەس, تٸزٸلٸمدٸ جەرگٸلٸكتٸ اتقارۋشى ورگاندار ەلەكتروندى فورماتتا جٷرگٸزەدٸ. ول ٷشٸن ٷلەستٸك قۇرىلىسقا ارنالعان بٸرىڭعاي اقپاراتتىق جٷيە قولدانىلادى. تٸزٸمگە ٷلەسكەرلەردٸڭ قۇقىقتارىن بۇزعان نەمەسە مٸندەتتەمەلەرٸن ورىنداماعان قۇرىلىس كومپانييالارى ەنگٸزٸلەدٸ.
قۇجاتتا قۇرىلىس سالۋشىلاردى باعالاۋدىڭ تەۋەكەلگە نەگٸزدەلگەن تەسٸلٸ ۇسىنىلعان. سوعان سەيكەس, كومپانييالار تٶرت ساناتقا بٶلٸنەدٸ: حابارلامالىق دەڭگەي, تەۋەكەلٸ جوعارى توپ, زاڭدا كٶزدەلگەن نەگٸزدەر بويىنشا انىقتالعاندار جەنە پروبلەمالىق نىساندار. مۇنداي جٸكتەۋ قۇرىلىس سالاسىنداعى تەۋەكەلدەردٸ ەرتە انىقتاپ, الدىن الۋ شارالارىن كٷشەيتۋگە مٷمكٸندٸك بەرەدٸ.
سونداي-اق تٸزٸلٸمگە ەنگٸزۋ جەنە ودان شىعارۋ رەسٸمدەرٸ, ٶتٸنٸشتەردٸ قاراۋ مەرزٸمدەرٸ مەن كومپانييالاردى حاباردار ەتۋ تەرتٸبٸ ناقتى رەگلامەنتتەلگەن. ەگەر سوت قۇرىلىس كومپانيياسىن تٸزٸمگە ەنگٸزۋ تۋرالى شەشٸمدٸ زاڭسىز دەپ تانىسا, ول اۆتوماتتى تٷردە تٸزٸلٸمنەن شىعارىلادى.
بۇل باستاما قۇرىلىس نارىعىنداعى اشىقتىقتى ارتتىرىپ, ٷلەسكەرلەردٸڭ مٷددەسٸن قورعاۋعا باعىتتالعان ماڭىزدى قادام بولماق.
