Shyǵys Qazaqstan oblysynyń Glýbokoe aýylynda káriz qudyǵynda jumys júrgizý kezinde úsh adam gazdan ýlandy, dep habarlaıdy Dala News.

TJM málimetinshe oqıǵa ornyna alǵash bolyp Glýbokoe aýdanynyń tótenshe jaǵdaılar bóliminiń bastyǵy Konstantın Borovıkov pen aýdan ákimdigi apparatynyń TJ jáne azamattyq qorǵaý salasy boıynsha bas mamany Temirlan Keńesqanov jetken. Olar qudyqtan eki zardap shekken adamdy shyǵaryp alǵan.

Taǵy bir jumysshy ózdiginen syrtqa shyǵyp, qutqarýshylardy shaqyrǵan.

Zardap shekkenderdiń barlyǵy medısınalyq kómek kórsetý úshin aýdandyq ortalyq aýrýhanaǵa jetkizildi.