Pavlodar oblysyna qarasty Maıqaıyń kentinde aqpan aıynda eki mýmıalanǵan máıit tabylǵan, dep habarlaıdy Dalanews.kz Irbıs TV-ǵa silteme jasap.
Olardyń biri – alty jastaǵy qyzdyń anasynyń denesi bolýy múmkin. Tergeý málimetinshe, bala men onyń ájesi uzaq ýaqyt boıy bir úıde osy máıitpen birge turǵan. Al sol aýmaqtaǵy basqa úıden qyzdyń atasynyń denesi tabylǵan.
Atalǵan fakti boıynsha eki bappen qylmystyq is qozǵaldy: «Alaıaqtyq» jáne «Qaıtys bolǵan adamdardyń máıitterin qorlaý».
Eki áıel psıhıatrıalyq dıspanserge ornalastyryldy. Al alty jastaǵy qyz Ekibastuz qalasyndaǵy balalarǵa arnalǵan memlekettik mekemege tapsyryldy.
Qazirgi ýaqytta tergeý jalǵasyp jatyr.
