Astanada birge turǵan áıelin óltirdi dep aıyptalǵan er adamǵa qatysty is qoǵamda úlken rezonans týdyrdy. Tergeý nusqasyna sáıkes, Erjan Imanqulov ótken jyldyń maýsym aıynda 31 jastaǵy Sanıa Álimjanovany onyń 7 jáne 10 jastaǵy balalarynyń kózinshe pyshaqtap óltirgen. Sodan keıin ol 25-qabattan sekirip, aman qalǵan, dep habarlaıdy Dalanews.kz 31 arna-ǵa silteme jasap. 

İs materıaldaryna sáıkes, psıhıatrlar kúdiktini esi durys emes dep tanyǵan.

Alaıda marqumnyń týystary bul qorytyndymen kelispeıdi. Qaza bolǵan Sanıanyń ápkesi Alýa Saıdalına kúdiktiniń jaǵdaıyna kúmán keltirip, onyń keıbir jaıttardy ǵana “umytyp qalǵanyn” alǵa tartady.

«Meni tańǵaldyratyny - ol tek ózine tıimsiz sátterdi ǵana esine túsirmeıdi. Naqty 19-shy kúndi esine almaıdy. Biraq ol tipti qandaı salmaqpen týǵanyn, burynǵy áıelin, óziniń uıaly telefon nómirin anyq biledi», - dedi ol.

Sot barysynda sýdıa Aıjan Kúlbaeva isti qaıta psıhıatrıalyq saraptamaǵa jiberý týraly ótinishti qanaǵattandyrmady. Qazirgi ýaqytta sot prosesi jalǵasyp jatyr.