استانادا بىرگە تۇرعان ايەلىن ءولتىردى دەپ ايىپتالعان ەر ادامعا قاتىستى ءىس قوعامدا ۇلكەن رەزونانس تۋدىردى. تەرگەۋ نۇسقاسىنا سايكەس، ەرجان يمانقۇلوۆ وتكەن جىلدىڭ ماۋسىم ايىندا 31 جاستاعى سانيا ءالىمجانوۆانى ونىڭ 7 جانە 10 جاستاعى بالالارىنىڭ كوزىنشە پىشاقتاپ ولتىرگەن. سودان كەيىن ول 25-قاباتتان سەكىرىپ، امان قالعان، دەپ حابارلايدى Dalanews.kz 31 ارنا-عا سىلتەمە جاساپ.
ءىس ماتەريالدارىنا سايكەس، پسيحياترلار كۇدىكتىنى ەسى دۇرىس ەمەس دەپ تانىعان.
الايدا مارقۇمنىڭ تۋىستارى بۇل قورىتىندىمەن كەلىسپەيدى. قازا بولعان سانيانىڭ اپكەسى الۋا سايدالينا كۇدىكتىنىڭ جاعدايىنا كۇمان كەلتىرىپ، ونىڭ كەيبىر جايتتاردى عانا “ۇمىتىپ قالعانىن” العا تارتادى.
«مەنى تاڭعالدىراتىنى - ول تەك وزىنە ءتيىمسىز ساتتەردى عانا ەسىنە تۇسىرمەيدى. ناقتى 19-شى كۇندى ەسىنە المايدى. ءبىراق ول ءتىپتى قانداي سالماقپەن تۋعانىن، بۇرىنعى ايەلىن، ءوزىنىڭ ۇيالى تەلەفون ءنومىرىن انىق بىلەدى»، - دەدى ول.
سوت بارىسىندا سۋديا ايجان كۇلبايەۆا ءىستى قايتا پسيحياتريالىق ساراپتاماعا جىبەرۋ تۋرالى ءوتىنىشتى قاناعاتتاندىرمادى. قازىرگى ۋاقىتتا سوت پروسەسى جالعاسىپ جاتىر.
