TsDIAÓM pen Astana Hub birlesip, jasóspirimderden bastap eresekter men memlekettik qyzmetkerlerge deiingi barlyq sanattaǵy azamattar úshin jasandy intellekt (JI) salasynda aýqymdy jáne tegin bilim berý jobalaryn júzege asyrýda,- dep habarlaidy Dalanews.kz
2025 jyldyń qazanynda Astanada TUMO shyǵarmashylyq tehnologiialar ortalyǵy ashylady — 12-den 18 jasqa deiingi mektep oqýshylaryna arnalǵan tegin bilim berý alańy. Baǵdarlama generativti JI, oiyndar jasaý, animatsiia, 3D-modeldeý, robototehnika jáne taǵy basqa 11 baǵytty qamtidy. Ortalyq Alem.ai halyqaralyq JI ortalyǵynyń 2 jáne 3-qabattarynda ornalasady jáne jylyna 5000 oqýshyǵa tegin bilim berý josparlanýda. Qabyldaý talaptary joq, ótinimderdi hamar saitynda snart.kazakhstan/alem.ai jaqynda bastaidy. Kelesi 3–5 jyl ishinde joba Qazaqstan boiynsha, onyń ishinde shalǵai aimaqtarda keńeitiledi.
2021 jyldan bastap Tech Orda baǵdarlamasy aiasynda baǵdarlamalaý, Big Data, kiberqaýipsizdik jáne basqa IT salalary boiynsha 10 000-ǵa jýyq adam oqydy. Oqytý aiaqtaǵandardyń 88%-y jumysqa ornalasqan. Tech Orda 72 jeke IT mektebimen yntymaqtasyp, 6 aidan astam merzimge arnalǵan kýrstarǵa tegin qatysý múmkindigin usynady.
Irgeli baǵdarlamalaý men JI-dy tereń meńgerý úshin 2024 jylǵy qazannan beri Tomorrow School — Qazaqstandaǵy alǵashqy peer-to-peer modeline negizdelgen jasandy intellekt mektebi jumys isteidi.
«Bul Qazaqstandaǵy alǵashqy jasandy intellekt mektebi, munda muǵalimder joq, stýdentter bir-birine kómektesip oqidy. Oqý eki jylǵa sozylady, osy ýaqyt ishinde stýdentter 50-den astam jobany júzege asyryp, 20 tilge deiin baǵdarlamalaý tilderin meńgeredi. Biz tegin oqytýdy, táýlik boiy jumys isteitin kampýsty, sarapshylardyń qonaq lektsiialaryn, stýdenttik klýbtardy jáne oblystardan kelgen stýdentterge arnalǵan tegin turýdy qamtamasyz etemiz», — dedi Astana Hub Basqarýshy direktory Valeriia Te.
IT salasyndaǵy áielderdi qoldaýǵa erekshe nazar aýdarylady. Tomorrow School stýdentteriniń 30%-yn qyzdar quraidy. Sondai-aq, TechnoWomen seriktestigimen birge úsh jyl boiy IT-Áiel jobasy júzege asyrylyp keledi, oǵan Qazaqstannyń barlyq óńirinen 5,5 myń áiel oqydy.
Astana Hub úsh tegin onlain kýrsty usynady:
• «JI negizderi: ChatGPT» — Lerna jáne Skillbox-pen seriktestik, 220 myńnan astam qoldanýshy, onyń 124 myńy oqytýdy sátti aiaqtady;
• QazCoders — Udacity platformasymen seriktestik, 4 kýrs, sonyń ishinde JI boiynsha, 2025 jylǵy naýryzdan bastap 4000-ǵa jýyq qatysýshy;
• «Derekterdi taldaý jáne Python negizderi» — Iandeks Praktikýmmen seriktestik, 2025 jylǵy sáýirden beri 1500-den astam qatysýshy.
JI boiynsha tegin kýrstarǵa qatysý úshin Astana Hub mobildi qosymshasyn júktep, AI Movement bóliminen qajetti kýrsty tańdaýǵa bolady. Oqyǵandaryn tájiribede qoldanǵysy keletinder úshin qyrkúiekte 2500-den astam qatysýshysy bar jáne úzdik komandalarǵa aqshalai syilyqtar beriletin eń iri mýltilokatsiialyq hakaton — Decentrathon 4.0 ótedi.
Komandasy nemese jobasy joq mamandarǵa arnalǵan AI Preneurs baǵdarlamasy bar, ol talantty mamandardy biriktirip, JI salasynda innovatsiialyq startaptar jasaýǵa baǵyttalǵan. Bul tásil daǵdylardy jetildirip qana qoimai, naryqty ózgertetin naqty jobalardy jasaýǵa múmkindik beredi.
Eresekterge arnalǵan JI bilimin damytý aiasynda 2025 jylǵy mamyrda Astanada 9–12 synyp oqýshylary arasynda alǵashqy Respýblikalyq jasandy intellekt olimpiadasy — AI Olymp ótti. Olimpiadaǵa 683 mektep oqýshysy qatysty, olardyń 40 úzdigi Astana IT University-de finalǵa shyqty. 12 úzdik qatysýshy qyrkúiekte Qytaidyń Pekin qalasynda ótetin Halyqaralyq JI olimpiadasyna Qazaqstan atynan qatysýǵa daiyndalý úshin oqý-jattyǵý jiynyna shaqyryldy.
Sonymen qatar, memlekettik qyzmettiń tiimdiligin arttyrý maqsatynda memleket qyzmetkerleri úshin AI Qyzmet baǵdarlamasy iske qosyldy — bul Ortalyq Eýraziiadaǵy alǵashqy JI quraldaryn jumys protsesine engizýge arnalǵan bastama. Akademiia memlekettik basqarý bazasynda ótkiziletin jáne qysqa videolektsiialar formatynda júrgiziletin kýrsqa 16 myńnan astam maman qatysyp, sertifikattar aldy. Baǵdarlama aiasynda jyl saiyn 30 myńǵa deiin memlekettik qyzmetkerdi oqytý josparlanýda.
Osylaisha, bilim berý bastamalary Qazaqstandaǵy jasandy intellekt salasyndaǵy adam kapitalyn nyǵaityp, tsifrlyq qoǵamnyń básekege qabilettiligin qamtamasyz etýge baǵyttalǵan.
