Aqtóbede AMANAT partıasy atynan saılanǵan qalalyq máslıhat depýtaty Aslan Qaıyrǵalıevke toıdaǵy áreketi úshin sógis jarıalandy, dep habarlaıdy Dalanews.kz.
Áleýmettik jelide taraǵan vıdeoda sheneýnik qalyń jurttyń kózinshe býma-býma aqshany betashar tabaǵyna maqtanyshpen salyp jatqany kórinedi. Bul jaǵdaı qoǵamda qyzý talqyǵa túsip, synǵa ushyrady.
Aıta keteıik, depýtattyń ákesi Asqar Qaıyrǵalıev qazirgi ýaqytta Aqtóbe oblysyndaǵy Oıyl aýdany ákimi qyzmetin atqarady.
Oqıǵaǵa qatysty túsinikteme bergen Aslan Qaıyrǵalıev atalǵan qarajattyń ózine tıesili emes ekenin, ony dostary ortaq syılyq retinde jınaǵanyn aıtty. Sonymen qatar ol AMANAT partıasynyń depýtaty retinde kópshilik aldynda orynsyz áreketke jol bergenin moıyndap, aldaǵy ýaqytta mundaı jaǵdaıdy qaıtalamaýǵa ýáde berdi.
