Qazaqstan Jazýshylar odaǵyn uzaq jyldar basqarǵan Nurlan Orazalin Muhtar Shahanovpen qoshtasý rásimine ne sebepti qatyspaǵanyn aitty, dep habarlaidy Dalanews.kz.
"Qazanyń qaiyryn bersin! Aǵamyzdyń rýhy peiish tórinde shalqysyn! Syrqattanyp qalyp, bara almadym", – dedi Nurlan Orazalin.
Eske salaiyq, búgin Almaty jurtshylyǵy Muhtar Shahanovty aqtyq saparǵa shyǵaryp saldy. Qoshtasý rásimi Almatydaǵy Abai atyndaǵy opera jáne balet teatrynda ótti. Qaraly jiynda ziialy qaýym ókilderi, qoǵam qairatkerleri, Qyrǵyzstan delegatsiiasy jáne qarapaiym halyq jinaldy.
Jiyndy Qazaqstan Jazýshylar odaǵy basqarmasynyń tóraǵasy Mereke Qulkenov júrgizdi.
Prezident Qasym-Jomart Toqaevtyń kóńil aitý jedelhatyn Senat tóraǵasy Máýlen Áshimbaev jetkizdi. Hatta Muhtar Shahanovtyń qazaq poeziiasy men ulttyq rýhaniiatqa qosqan zor úlesi atap ótildi.
Sonymen qatar Muhtar Shahanovty aqtyq saparǵa shyǵaryp salý rásimine Premer-ministrdiń orynbasary - Qazaqstan Respýblikasynyń Mádeniet jáne aqparat ministri, Almaty ákimi Darhan Satybaldy qatysty.
Muhtar Shahanovtyń denesin Túrkistanǵa chartermen alyp ketti. Bul týraly depýtat Qazybek Isa habarlady.
"Aqiyq aqyn Muqtar Shahanuly aǵamyzdy arnaiy charter ushaqpen alyp ketip baramyz kieli Otyrar, qasietti Aarystanbap eline. Almaty qimai shyǵaryp saldy", - deidi depýtat.
