Qazaqstan Eýraziiadaǵy logistikalyq jáne investitsiialyq hab retinde pozitsiiasyn kúsheitip keledi, dep habarlaidy.
Qazaqstan men Túrkiia arasyndaǵy dóńgelek ústelde YDA Holding basqarma tóraǵasy Hýsein Arslan kompaniia elimizge $2,5 mlrd-tan astam investitsiia salǵanyn málimdedi. Onyń aitýynsha, bul qarjyǵa Aqtaý jáne Túrkistan áýejailary iske qosylyp, Astanada indýstriialyq park ashylǵan.
Kelesi kezeńde teńiz logistikasy men agroónerkásip salasyna basymdyq berilmek. Atap aitqanda, Aqtaýda keme jasaý infraqurylymyn damytý jáne Petropavlda quny $230 mln bolatyn keshen salý josparlanyp otyr.
«Álemniń alty elindegi tájiribemizdi eskere otyryp, men Qazaqstan investorlarǵa qolaily el dep aita alamyn. Investorlar tartýǵa barlyq qoldaý kórsetilýde jáne bul shynynda da investitsiia tartýǵa óte yńǵaily memleket. Osy oraida, Prezident Qasym-Jomart Toqaevqa alǵysymdy bildiremin. Aldaǵy 5 jylda biz múldem basqa Qazaqstandy kóremiz dep senemin. 5 jyldan keiin Qazaqstan álemniń ekonomikasy eń damyǵan 10 eliniń qatarynan oryn alatynyna shyn júrekten senemin», – dedi ol.
Sarapshylardyń pikirinshe, mundai jobalar Qazaqstannyń tranzittik áleýetin kúsheitip, eldiń halyqaralyq investitsiialyq tartymdylyǵyn arttyra túsedi.
