Qazaqstanda jumyssyzdyq boiynsha járdemaqy tóleý merzimin qysqartý josparlanyp otyr, dep habarlaidy Dala News.
Eńbek jáne halyqty áleýmettik qorǵaý ministri Askarbek Ertaev járdemaqy tóleý merzimin alty aidan tórt aiǵa deiin azaitý usynylyp jatqanyn málimdedi.
Ministrdiń aitýynsha, bul ózgerister zańsyz shemalardyń aldyn alý jáne áleýmettik masyldyqty azaitý maqsatynda engizilmek.
Jańa tártipke sáikes, járdemaqy alýshylarǵa osy kezeńde bos jumys oryndary usynylady. Eger azamat usynylǵan úshinshi jumystan bas tartsa, tólem toqtatylady.
Sonymen qatar vedomstvo ózin-ózi jumyspen qamtyǵan azamattardyń mártebesin naqtylaýdy josparlap otyr. Olarǵa resmi jumysqa ornalasý nemese jeke kásipker retinde tirkelý usynylady.
Ministrlik bul sharalar eńbek naryǵyn retteýge jáne halyqty turaqty jumyspen qamtýǵa baǵyttalǵanyn atap ótti.
