Qazaqstan Jazýshylar odaǵyn uzaq jyldar basqarǵan Nurlan Orazalın aqyn Muhtar Shahanovpen qoshtasý rásimine kelmedi, dep habarlaıdy Dalanews.kz.

Ázirge Nurlan Orazalınniń qoshtasý rásimine sebepti qatyspaǵany týraly aqparat jarıalanǵan joq.

Eske salaıyq, búgin Almaty jurtshylyǵy Muhtar Shahanovty aqtyq saparǵa shyǵaryp saldy. Qoshtasý rásimi Almatydaǵy Abaı atyndaǵy opera jáne balet teatrynda ótti. Qaraly jıynda zıaly qaýym ókilderi, qoǵam qaıratkerleri, Qyrǵyzstan delegasıasy jáne qarapaıym halyq jınaldy.

Jıyndy Qazaqstan Jazýshylar odaǵy basqarmasynyń tóraǵasy Mereke Qulkenov júrgizdi.

Prezıdent Qasym-Jomart Toqaevtyń kóńil aıtý jedelhatyn Senat tóraǵasy Máýlen Áshimbaev jetkizdi. Hatta Muhtar Shahanovtyń qazaq poezıasy men ulttyq rýhanıatqa qosqan zor úlesi atap ótildi.

Sonymen qatar Muhtar Shahanovty aqtyq saparǵa shyǵaryp salý rásimine Premer-mınıstrdiń orynbasary - Qazaqstan Respýblıkasynyń Mádenıet jáne aqparat mınıstri, Almaty ákimi Darhan Satybaldy qatysty. 

Muhtar Shahanovtyń denesin Túrkistanǵa chartermen alyp ketti. Bul týraly depýtat Qazybek Isa habarlady. 

"Aqıyq aqyn Muqtar Shahanuly aǵamyzdy arnaıy charter ushaqpen alyp ketip baramyz kıeli Otyrar, qasıetti Aarystanbap eline. Almaty qımaı shyǵaryp saldy", - deıdi depýtat.