Birikken Arab Ámirlikterinde 22 jastaǵy qazaqstandyqqa qatysty sot úkimi shyqty. Sot sheshimi boiynsha ol ómir boiyna bas bostandyǵynan aiyrylyp, iri kólemde aiyppul tóleýge mindettelgen, dep habarlaidy Dalanews.kz.
Kriminalnyi Kazahastan telegram arnasynyń málimetinshe, sottalǵan jigittiń anasy ulynyń kinásiz ekenin jetkizgen. Onyń aitýynsha, Ernur Almahan 2024 jyldyń qyrkúieginde tabys tabý maqsatynda shetelge baryp, júrgizýshi bolyp jumys istegen. Alǵashynda otbasymen únemi bailanysta bolǵanymen, keiinirek qylmystyq iske tartylǵanyn aityp, ózin jazyqsyz dep málimdegen.
Ýaqyt óte kele bailanys múlde úzilgen soń, ata-anasy Qazaqstannyń konsýldyǵy men Syrtqy ister ministrligine júgingen. Tek 2026 jyldyń sáýir aiynda ǵana olarǵa 18 naýryz kúni BAÁ sotynyń birinshi instantsiiasy úkim shyǵarǵany habarlanǵan. Sot sheshimine sáikes, Ernur ómir boiyna sottalyp, 2,5 mln dirhamnan astam (shamamen 300 mln teńge) aiyppul arqalaǵan.
Qazaqstannyń Syrtqy ister ministrligi bul aqparatty rastady. Vedomstvo málimetinshe, úkim áli zańdy kúshine enbegen. Qazirgi tańda apelliatsiialyq shaǵym túsirilip, isti qaita qaraý 27 sáýirge belgilengen.
"Keibir derekkózderdiń málimetine súiensek, Ernur Almahan qarýly qaraqshylyq isine qatysy bolýy múmkin. Tergeý nusqasy boiynsha, 2025 jyldyń jańa jyl túni bir top adam jeke úige basyp kirgen. Bul úide "Finiko" qarjy piramidasynyń negizin qalaýshylardyń biri Edvard Sabirov turǵan. Oqiǵa kezinde qarý qoldanylyp, janjal barysynda pyshaqtasý bolǵan. Al urlanǵan zattardyń jalpy quny 1 million dirhamnan asqan", - deidi derekkóz.
BAÁ zańnamasyna sáikes, top bolyp jasalǵan qarýly qaraqshylyq asa aýyr qylmystar qataryna jatady jáne eń qatań jaza taǵaiyndalýy múmkin.
