بٸرٸككەن اراب ەمٸرلٸكتەرٸندە 22 جاستاعى قازاقستاندىققا قاتىستى سوت ٷكٸمٸ شىقتى. سوت شەشٸمٸ بويىنشا ول ٶمٸر بويىنا باس بوستاندىعىنان ايىرىلىپ, ٸرٸ كٶلەمدە ايىپپۇل تٶلەۋگە مٸندەتتەلگەن, دەپ حابارلايدى Dalanews.kz.
كريمينالنىي كازاحاستان تەلەگرام ارناسىنىڭ مەلٸمەتٸنشە, سوتتالعان جٸگٸتتٸڭ اناسى ۇلىنىڭ كٸنەسٸز ەكەنٸن جەتكٸزگەن. ونىڭ ايتۋىنشا, ەرنۇر الماحان 2024 جىلدىڭ قىركٷيەگٸندە تابىس تابۋ ماقساتىندا شەتەلگە بارىپ, جٷرگٸزۋشٸ بولىپ جۇمىس ٸستەگەن. العاشىندا وتباسىمەن ٷنەمٸ بايلانىستا بولعانىمەن, كەيٸنٸرەك قىلمىستىق ٸسكە تارتىلعانىن ايتىپ, ٶزٸن جازىقسىز دەپ مەلٸمدەگەن.
ۋاقىت ٶتە كەلە بايلانىس مٷلدە ٷزٸلگەن سوڭ, اتا-اناسى قازاقستاننىڭ كونسۋلدىعى مەن سىرتقى ٸستەر مينيسترلٸگٸنە جٷگٸنگەن. تەك 2026 جىلدىڭ سەۋٸر ايىندا عانا ولارعا 18 ناۋرىز كٷنٸ باە سوتىنىڭ بٸرٸنشٸ ينستانتسيياسى ٷكٸم شىعارعانى حابارلانعان. سوت شەشٸمٸنە سەيكەس, ەرنۇر ٶمٸر بويىنا سوتتالىپ, 2,5 ملن ديرحامنان استام (شامامەن 300 ملن تەڭگە) ايىپپۇل ارقالاعان.
قازاقستاننىڭ سىرتقى ٸستەر مينيسترلٸگٸ بۇل اقپاراتتى راستادى. ۆەدومستۆو مەلٸمەتٸنشە, ٷكٸم ەلٸ زاڭدى كٷشٸنە ەنبەگەن. قازٸرگٸ تاڭدا اپەللياتسييالىق شاعىم تٷسٸرٸلٸپ, ٸستٸ قايتا قاراۋ 27 سەۋٸرگە بەلگٸلەنگەن.
"كەيبٸر دەرەككٶزدەردٸڭ مەلٸمەتٸنە سٷيەنسەك, ەرنۇر الماحان قارۋلى قاراقشىلىق ٸسٸنە قاتىسى بولۋى مٷمكٸن. تەرگەۋ نۇسقاسى بويىنشا, 2025 جىلدىڭ جاڭا جىل تٷنٸ بٸر توپ ادام جەكە ٷيگە باسىپ كٸرگەن. بۇل ٷيدە "Finiko" قارجى پيراميداسىنىڭ نەگٸزٸن قالاۋشىلاردىڭ بٸرٸ ەدۆارد سابيروۆ تۇرعان. وقيعا كەزٸندە قارۋ قولدانىلىپ, جانجال بارىسىندا پىشاقتاسۋ بولعان. ال ۇرلانعان زاتتاردىڭ جالپى قۇنى 1 ميلليون ديرحامنان اسقان", - دەيدٸ دەرەككٶز.
باە زاڭناماسىنا سەيكەس, توپ بولىپ جاسالعان قارۋلى قاراقشىلىق اسا اۋىر قىلمىستار قاتارىنا جاتادى جەنە ەڭ قاتاڭ جازا تاعايىندالۋى مٷمكٸن.
