APLO-2026 lingvistikalyq olimpiadasynda qazaq tili alǵash ret halyqaralyq pándik olimpiadanyń jumys tili retinde bekitildi, dep habarlaidy Dalanews.kz.
Olimpiada barysynda tapsyrmalar men olardyń resmi sheshimderi uiymdastyrýshylardyń platformasynda qazaq tilinde jariialanǵan. Osylaisha qazaq tiliniń halyqaralyq akademiialyq kommýnikatsiia quraly retindegi áleýeti kóringen.
APLO-2026 olimpiadasy Qazaqstan, Qytai, Japoniia, Malaiziia, Koreia Respýblikasy, Singapýr jáne Tailandtan kelgen 300-ge jýyq daryndy oqýshyny biriktirdi. Bul ziiatkerlik jarys - daryndy jastardy anyqtaýǵa jáne olardy Halyqaralyq lingvistikalyq olimpiadaǵa daiarlaýǵa baǵyttalǵan bedeldi alań.
Aita keteiik, Qazaqstan quramasy bul olimpiadaǵa úshinshi ret qatysyp otyr. Biyl el namysyn 8 oqýshy qorǵady. Nátijesinde qazaqstandyq oqýshylar 1 altyn, 1 kúmis jáne 2 qola medal jeńip alyp, joǵary daiyndyq deńgeiin kórsetti. Sonymen qatar, 4 qatysýshy Qurmet gramotasymen marapattaldy.
