APLO-2026 لينگۆيستيكالىق وليمپياداسىندا قازاق ءتىلى العاش رەت حالىقارالىق پاندىك وليمپيادانىڭ جۇمىس ءتىلى رەتىندە بەكىتىلدى، دەپ حابارلايدى Dalanews.kz.
وليمپيادا بارىسىندا تاپسىرمالار مەن ولاردىڭ رەسمي شەشىمدەرى ۇيىمداستىرۋشىلاردىڭ پلاتفورماسىندا قازاق تىلىندە جاريالانعان. وسىلايشا قازاق ءتىلىنىڭ حالىقارالىق اكادەميالىق كوممۋنيكاسيا قۇرالى رەتىندەگى الەۋەتى كورىنگەن.
APLO-2026 وليمپياداسى قازاقستان، جۇڭگو، جاپونيا، مالايزيا، كورەيا رەسپۋبليكاسى، سينگاپۋر جانە تايلاندتان كەلگەن 300-گە جۋىق دارىندى وقۋشىنى بىرىكتىردى. بۇل زياتكەرلىك جارىس - دارىندى جاستاردى انىقتاۋعا جانە ولاردى حالىقارالىق لينگۆيستيكالىق وليمپياداعا دايارلاۋعا باعىتتالعان بەدەلدى الاڭ.
ايتا كەتەيىك، قازاقستان قۇراماسى بۇل وليمپياداعا ءۇشىنشى رەت قاتىسىپ وتىر. بيىل ەل نامىسىن 8 وقۋشى قورعادى. ناتيجەسىندە قازاقستاندىق وقۋشىلار 1 التىن، 1 كۇمىس جانە 2 قولا مەدال جەڭىپ الىپ، جوعارى دايىندىق دەڭگەيىن كورسەتتى. سونىمەن قاتار، 4 قاتىسۋشى قۇرمەت گراموتاسىمەن ماراپاتتالدى.
