Astana ákimi Jeńis Qasymbek elordadaǵy jeńil relsti kólik jaqyn aptalarda iske qosylýy múmkin ekenin aitty, dep habarlaidy Dalanews.kz.
Onyń sózinshe, naqty ashylý kúni ázirge belgilenbegen, alaida iske qosar aldynda shaǵyn press-týr uiymdastyrý josparlanǵan.
Ákimniń aitýynsha, barlyq synaq sátti ótken. Qazir 18 poiyz tolyq jumysqa daiyn. Qozǵalys aralyǵy - shamamen 3,5 minýt, al jyldamdyǵy basqa qoǵamdyq kólikterge qaraǵanda eki ese joǵary.
Sondai-aq, negizgi stantsiialar daiyn: "Abý-Dabi Plaza", "Botanikalyq baq", "Astana Arena", Mega, "Áýejai" jáne jańa vokzal.
Qazir stantsiialar mańyn abattandyrý jumystary jalǵasyp jatyr. Jaz sońyna deiin LRT jelisi boiyndaǵy aýmaq tolyq retke keltirilip, asfalt tóselip, jaiaý júrginshilerge yńǵaily etip jasalmaq.
