"Aqbaqai" ken ornyn 1968 jyly belgili geolog Dúbek Dúisenbekov ashqan bolatyn. Qordy tolyq igerý jumystary 1975 jyly bastaldy.
Aqbaqaida jańa ken qorynyń ashylýyna bailanysty shikizatty qaita óńdeý úshin orasan qýat qajet bolǵandyqtan ken óńdeýdiń zamanaýi tsehy salyndy. Búginde altyndy fabrikaǵa qarasty "Aqbaqai", "Beskempir", "Karernoe", "Aqsaqal", "Svetinskoe", "Kenjem", "Shyǵys Aqbaqai" jáne "Olimpiiskoe" ken oryndary óndiredi.
Óndirilgen paidaly qazba fabrikada óńdelip, odan Dore qorytpasy túrindegi daiyn ónim shyǵarylady. Tehnologiialyq úderistiń tolyq ainalymy SCADA avtomattandyrylǵan basqarý júiesi arqyly júrgiziledi.
– Ekinshi kezeńdi iske qosýdyń nátijesinde kompaniiamyzdyń óndiristik aýqymy keńeiedi. Bul óz kezeginde el ekonomikasynyń damýyna tyń serpin beredi dep oilaimyz. Buǵan qosa, qosymsha jumys oryndary ashylady. Atap aitqanda, jobany iske qosý arqyly qosymsha 90 jańa jumys orny ashylady, – deidi "Altynalmas AK" AQ Qaraǵandy jáne Jambyl oblystaryndaǵy óndiris boiynsha basqarýshy direktory Baǵdat Bahramov.
2011-2015 jyldary aralyǵynda «Altynalmas» kásiporny Aqbaqaidaǵy jerasty óndirisi tehnologiiasyn qol eńbegi ádisinen mehanikalandyrylǵan ádiske kóshirdi. Bul bastama óndiris qýatynyń 600 paiyzǵa artýyna yqpal etti.
Óndiristi tsifrlandyrý baǵdarlamasy aiasynda búgingi tańda ken orny jerasty statsionarlyq quraldarmen jabdyqtalyp, ashyq taý-ken jumystaryn basqarý avtomattandyryldy, geologiialyq-marksheiderlik jasaqtamasy men GEOVIA integratsiialyq platformasy engizildi. Sonymen qatar uzyndyǵy 130 shaqyrym talshyqty-optikalyq bailanys jelisi tartylyp, 400 metr tereńdikte jerasty Wi-Fi ornatyldy.
Jańa tehnologiialarǵa iek súiegen elimizdiń damýyna tyń serpilis berip, ónimdilikti arttyra túsetini belgili.
