Joǵary sot seısenbi kúngi otyrysta Astana qalasy sotynyń 2016 jylǵy 9 jeltoqsandaǵy Seıtqazy jáne Áset Mataevtarǵa qatysty úkiminiń kúshin joıdy.
Óz sheshimin oqyǵan sýdıa Mataevtardyń ońaltylǵanyn jáne aqtalǵanyn túsindirdi, sonymen qatar olar qylmystyq prosesti júrgizgen organdardyń áreketinen keltirilgen shyǵyndy óndirip ala alady.
Eske salsaq, Seıtqazy jáne Áset Mataevtardy 2016 jyly sottaǵan bolatyn. Qylmystyq qýdalaý kezinde QazTAG agenttigin basyp almaq ta boldy. Bul rette Mataevtardyń kinási Qazaqstanda da, shetelde de saıası astary bar dep tanyldy, aıyptaýdyń bir tarmaǵy da dáleldenbedi, sonda da qazaqstandyq sot aıyptaý úkimin shyǵardy.
Al Mataevtardy tapsyryspen qýdalaýǵa qatysýshylardyń birde biri áli kúnge deıin jazaǵa tartylmady.
2022 jyldyń 5 shildesinde Ótebekov bas prokýratýranyń Mataevtarǵa qatysty ádiletsiz shyǵarylǵan úkimge qarsylyq engizgenin habarlady.
6 shildede jaǵdaıǵa túsinik bergen Ótebekov Mataevtarǵa qatysty istiń qaıta qaralýyn qoǵamdyq-saıası jaǵdaıdaǵy ózgeristermen baılanystyrdy.
8 shildede senat pen májilistiń birqatar depýtattary tıisti aryzǵa qol qoıa otyryp, Mataevtardyń tolyqtaı aqtalýyna úmitti ekenderi belgili boldy.
9 shildede Qazaqstandaǵy medıa salasynyń ókilderi ádiletsiz júrgizilgen qylmystyq is boıynsha Mataevtardyń tolyqtaı aqtalýy múmkin ekeni týraly jańalyqty zor qýanyshpen qabyldady.
https://dalanews.kz/news/79466-23-shildede-aqtobede-olimpbet-baygeden-qazaqst
https://dalanews.kz/news/79442-zhanga-qazaqstan-dariga-biznesin-zhogal
