Uzaq jyldar boiyna elimizdegi eń bedeldi degen aqparat quraldaryna ielik etken Nazarbaeva qazirgi jaǵdaida ózine tiesili mass-mediany asyrai almasyna kózi jetken.
"Dariǵanyń soiylyn soǵyp, sózin sóilegen "Karavan" gazeti jabylyp tyndy. Gazet qyrkúiektiń birinen bastap baspaǵa jiberilmeidi. Áýlettiń abyroiyn qorǵap, Nazarbaevtyń saiasatyn ulyqtaǵan basylymnyń sońǵy jyldary suranystan qalyp, taralymy tómendep ketkeni ótirik emes", – deidi jýrnalist.
Onyń atap ótkenindei Dariǵa Nazarbaeva basylymdy barymtalap alǵan. 1991 jyly belgili stsenarist Boris Gillerdiń kúshimen ashylǵan "Karavan" gazeti keiin kele Rahat men Dariǵanyń kózine túsken.
"Giller "Karavannyń" taralymyn arttyrý úshin baryn saldy. Biliktiń yǵyna jyǵylmaityn saýatty saraptamalar, jýrnalistik zertteýler jaryq kórdi. 90-shy jyldardyń basyna "Karavannyń" taralymy artyp, mol túsim túsiretin media jobaǵa ainaldy. Giller taralymnan túsken qarajatqa jeke baspa satyp alyp, keiinnen KTK telearnasynyń iesi atandy.
Mine, sol tustaǵy turaqty tabys kirgizip turǵan bizneske Rahat pen Dariǵanyń kózi tústi. Reiderlikpen ainalysyp, talaidy qan qaqsatqan erli-zaiyptylar Gillerdiń "qol-aiaǵyn syndyryp", álginiń biznesin kók tiynǵa satyp aldy. Tiri qalmasyn sezgen Giller Qazaqstannan qashyp, shetelde boi tasalaýǵa májbúr boldy", – deidi Ibrash Núsipbaev.
Keiin kele "Karavan" gazeti áýlettiń jaǵymdy obrazyn qalyptastyryp, biliktiń ideologiiasymen ainalysatyn media quralǵa ainalǵan. Dariǵa men Rahat kásipkerlerdiń qaltasyn qaǵyp, "Karavanǵa" investitsiia quiýǵa májbúrlegen.
"Jańa Qazaqstan Dariǵany alqymnan alyp, jegenin jelkesinen shyǵartyp jatyr. Túrmege qamalý qaýpinen qoryqqan Nazarbaevtyń qyzy bir kezderi reiderlikpen tapqan biznesin erikti túrde memleket esebine qaitarýda.
Dariǵany kapitaly men biznesinen aiyrý protsessi munymen shektelip qalmaidy, ol áli kóresini kóredi. "Karavan" osy naýqannyń bastamasy ǵana, Qazaqstandaǵy ózine tiesili aqparat quraldaryn asyrai almasyn túsingen Nazarbaeva tyǵyryqqa tireldi. "Karavannan" keiin Dariǵaǵa tiesili barlyq aqparat quraldary ne jabylyp, ne satylyp tynady. Halyqqa yqpal etetin tetikten arylǵan Dariǵanyń dáýreni aiaqtalýǵa taqaý", – deidi jýrnalist.
https://dalanews.kz/news/79466-23-shildede-aqtobede-olimpbet-baygeden-qazaqst
https://dalanews.kz/del-qazir/79450-zhogary-sot-tanymal-zhurnalisterdi-tol
