ۇزاق جىلدار بويىنا ەلٸمٸزدەگٸ ەڭ بەدەلدٸ دەگەن اقپارات قۇرالدارىنا يەلٸك ەتكەن نازارباەۆا قازٸرگٸ جاعدايدا ٶزٸنە تيەسٸلٸ ماسس-مەديانى اسىراي الماسىنا كٶزٸ جەتكەن.
"داريعانىڭ سويىلىن سوعىپ, سٶزٸن سٶيلەگەن "كاراۆان" گازەتٸ جابىلىپ تىندى. گازەت قىركٷيەكتٸڭ بٸرٸنەن باستاپ باسپاعا جٸبەرٸلمەيدٸ. ەۋلەتتٸڭ ابىرويىن قورعاپ, نازارباەۆتىڭ ساياساتىن ۇلىقتاعان باسىلىمنىڭ سوڭعى جىلدارى سۇرانىستان قالىپ, تارالىمى تٶمەندەپ كەتكەنٸ ٶتٸرٸك ەمەس", – دەيدٸ جۋرناليست.
ونىڭ اتاپ ٶتكەنٸندەي داريعا نازارباەۆا باسىلىمدى بارىمتالاپ العان. 1991 جىلى بەلگٸلٸ ستسەناريست بوريس گيللەردٸڭ كٷشٸمەن اشىلعان "كاراۆان" گازەتٸ كەيٸن كەلە راحات مەن داريعانىڭ كٶزٸنە تٷسكەن.
"گيللەر "كاراۆاننىڭ" تارالىمىن ارتتىرۋ ٷشٸن بارىن سالدى. بيلٸكتٸڭ ىعىنا جىعىلمايتىن ساۋاتتى ساراپتامالار, جۋرناليستٸك زەرتتەۋلەر جارىق كٶردٸ. 90-شى جىلداردىڭ باسىنا "كاراۆاننىڭ" تارالىمى ارتىپ, مول تٷسٸم تٷسٸرەتٸن مەديا جوباعا اينالدى. گيللەر تارالىمنان تٷسكەن قاراجاتقا جەكە باسپا ساتىپ الىپ, كەيٸننەن كتك تەلەارناسىنىڭ يەسٸ اتاندى.
مٸنە, سول تۇستاعى تۇراقتى تابىس كٸرگٸزٸپ تۇرعان بيزنەسكە راحات پەن داريعانىڭ كٶزٸ تٷستٸ. رەيدەرلٸكپەن اينالىسىپ, تالايدى قان قاقساتقان ەرلٸ-زايىپتىلار گيللەردٸڭ "قول-اياعىن سىندىرىپ", ەلگٸنٸڭ بيزنەسٸن كٶك تيىنعا ساتىپ الدى. تٸرٸ قالماسىن سەزگەن گيللەر قازاقستاننان قاشىپ, شەتەلدە بوي تاسالاۋعا مەجبٷر بولدى", – دەيدٸ يبراش نٷسٸپباەۆ.
كەيٸن كەلە "كاراۆان" گازەتٸ ەۋلەتتٸڭ جاعىمدى وبرازىن قالىپتاستىرىپ, بيلٸكتٸڭ يدەولوگيياسىمەن اينالىساتىن مەديا قۇرالعا اينالعان. داريعا مەن راحات كەسٸپكەرلەردٸڭ قالتاسىن قاعىپ, "كاراۆانعا" ينۆەستيتسييا قۇيۋعا مەجبٷرلەگەن.
"جاڭا قازاقستان داريعانى القىمنان الىپ, جەگەنٸن جەلكەسٸنەن شىعارتىپ جاتىر. تٷرمەگە قامالۋ قاۋپٸنەن قورىققان نازارباەۆتىڭ قىزى بٸر كەزدەرٸ رەيدەرلٸكپەن تاپقان بيزنەسٸن ەرٸكتٸ تٷردە مەملەكەت ەسەبٸنە قايتارۋدا.
داريعانى كاپيتالى مەن بيزنەسٸنەن ايىرۋ پروتسەسسٸ مۇنىمەن شەكتەلٸپ قالمايدى, ول ەلٸ كٶرەسٸنٸ كٶرەدٸ. "كاراۆان" وسى ناۋقاننىڭ باستاماسى عانا, قازاقستانداعى ٶزٸنە تيەسٸلٸ اقپارات قۇرالدارىن اسىراي الماسىن تٷسٸنگەن نازارباەۆا تىعىرىققا تٸرەلدٸ. "كاراۆاننان" كەيٸن داريعاعا تيەسٸلٸ بارلىق اقپارات قۇرالدارى نە جابىلىپ, نە ساتىلىپ تىنادى. حالىققا ىقپال ەتەتٸن تەتٸكتەن ارىلعان داريعانىڭ دەۋرەنٸ اياقتالۋعا تاقاۋ", – دەيدٸ جۋرناليست.
https://dalanews.kz/news/79466-23-shildede-aqtobede-olimpbet-baygeden-qazaqst
https://dalanews.kz/del-qazir/79450-zhogary-sot-tanymal-zhurnalisterdi-tol
